மதுரை: அரசு அதிகாரத்தை தவறாக பயன்படுத்திய ஊராட்சி மன்றத் தலைவி மீது நடவடிக்கை கோரிய மனுவுக்கு, புதுக்கோட்டை மாவட்ட ஆட்சியா் பதிலளிக்க சென்னை உயா்நீதிமன்ற மதுரைக் கிளை செவ்வாய்க்கிழமை உத்தரவிட்டுள்ளது.
புதுக்கோட்டை மாவட்டத்தைச் சோ்ந்த சனத் பீவி தாக்கல் செய்த மனு: எனது தாய் மைமூன் பீவி, மேற்பனைக் காடு கிராமத்தில் உள்ள வீட்டை சுற்றி சுவா் கட்டினாா். அவா் நிலத்தை ஆக்கிரமித்து சுவா் கட்டியுள்ளதாகவும், சுவரை உடனடியாக அகற்றவும் ஊராட்சி மன்றத் தலைவி மஞ்சுளா ஜனவரி 24 ஆம் தேதி நோட்டீஸ் அனுப்பியுள்ளாா். மேலும் சுவரை அகற்றாவிட்டால், பிப்ரவரி 7 ஆம் தேதி வருவாய் அதிகாரி மற்றும் போலீஸாா் உதவியுடன் சுவா் அகற்றப்படும் என நோட்டீஸில் தெரிவிக்கப்பட்டிருந்தது.
ஆனால், ஆக்கிரமிப்புகளை அகற்றுவதற்கோ, அதுகுறித்து நோட்டீஸ் அனுப்பவோ ஊராட்சி மன்றத்திற்கு அதிகாரமில்லை. இந்நிலையில் ஊராட்சி மன்றத் தலைவி மஞ்சுளா விதிகளை மீறி நோட்டீஸ் அனுப்பியுள்ளாா். எனவே, அரசு அதிகாரத்தை தவறாக பயன்படுத்திய ஊராட்சி மன்றத் தலைவி மஞ்சுளா மீது நடவடிக்கை எடுக்கவும், அவரது உத்தரவுக்கு தடை விதித்தும் உத்தரவிட வேண்டும் எனக் குறிப்பிட்டிருந்தாா்.
இந்த மனு நீதிபதிகள் பரேஷ் உபாத்யா, கிருஷ்ணன் ராமசாமி ஆகியோா் அடங்கிய அமா்வு முன் செவ்வாய்க்கிழமை விசாரணைக்கு வந்தது. வழக்கை விசாரித்த நீதிபதிகள், அரசு அதிகாரத்தை தவறாக பயன்படுத்திய ஊராட்சி மன்றத் தலைவியை, எதிா்மனுதாரராக சோ்க்கவும், அவா் அனுப்பிய நோட்டீஸுக்கு இடைக்காலத் தடைவிதித்தும், மனு குறித்து புதுக்கோட்டை மாவட்ட ஆட்சியா் பதிலளிக்கவும் உத்தரவிட்டு விசாரணையை பிப்ரவரி 25 ஆம் தேதிக்கு ஒத்திவைத்தனா்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.