புதுக்கோட்டை கீழ ராஜவீதியில் ஆக்கிரமிப்புகளை அகற்றினர். பெண் பூ வியாபாரி மயங்கி விழுந்ததால் பரபரப்பு ஏற்பட்டது.
புதுக்கோட்டை மாவட்டத்தில் நீர் நிலைகள் மற்றும் அரசு புறம்போக்கு நிலங்களில் ஆக்கிரமிப்பு அகற்றும் பணி தீவிரமாக நடைபெற்று வருகிறது. மேலும் ஆக்கிரமிப்புகளை தாங்களாகவே அகற்றி கொள்ளவும், இல்லையெனில் அதனை அகற்றிய பின் சம்பந்தப்பட்டவர்களிடம் அதற்கான செலவு தொகை வசூலிக்கப்படும் என அதிகாரிகள் எச்சரிக்கை விடுத்துள்ளனர். புதுக்கோட்டை நகராட்சியிலும் ஆக்கிரமிப்புகள் அகற்றப்பட்டு வருகிறது.
இந்த நிலையில் புதுக்கோட்டை நகரின் முக்கிய பஜாரான கீழ ராஜவீதியில் ஆக்கிரமிப்புகள் அகற்றும் பணி நேற்று மாலை நடைபெற்றது. நகராட்சி ஊழியர், பணியாளர்கள் ஆக்கிரமிப்புகளை அகற்றும் பணியில் ஈடுபட்டனர். பொக்லைன் எந்திரம் கொண்டு ஆக்கிரமிப்புகள் அகற்றப்பட்டன. இந்த பணிகள் நகராட்சி ஆணையர் நாகராஜன் மற்றும் அதிகாரிகள் மேற்பார்வையில் நடைபெற்றது. போலீஸ் இன்ஸ்பெக்டர்கள் குருநாதன் (டவுன்), முகமது ஜாபர் (கணேஷ்நகர்) மற்றும் போலீசார் பாதுகாப்பு பணியில் ஈடுபட்டனர்.
பெண் மயங்கி விழுந்தார்
கீழ ராஜவீதியில் கடைகள் முன்பு இருந்த சாலையோர கடைகள் ஆக்கிரமிப்புகள், பதாகைகள், கம்பங்கள், மழை நீர் வடிகாலை ஆக்கிரமித்து கட்டப்பட்டவை உள்ளிட்டவை அகற்றப்படடன. அப்போது பூ வியாபாரம் செய்து வந்த பெண் ஒருவர் தனது கடையின் மேஜையை அகற்றுவதை கண்டு அவர் அழுது புலம்பினார். மேலும் நகராட்சி ஊழியர்கள் மேஜையை எடுத்து வேனில் ஏற்றி செல்ல முயன்ற போது தடுத்து நிறுத்த முயற்சித்தார். அவரை பாதுகாப்பு பணியில் இருந்த போலீசார் தடுத்து நிறுத்தினர். அவர் மயங்கி கீழே விழுந்தார். அவருக்கு போலீசார் தண்ணீர் கொடுத்து ஆசுவாசப்படுத்தினர். இதனால் சிறிது நேரம் அப்பகுதியில் பரபரப்பானது. ஆக்கிரமிப்பு அகற்றும் பணியானது கீழ ராஜ வீதி முழுவதும் நடைபெறுவதோடு மேல ராஜ வீதி, வடக்கு ராஜ வீதி, தெற்கு ராஜ வீதி உள்ளிட்ட கடை வீதிகளில் தொடர்ந்து ஆக்கிரமிப்பு அகற்றப்பட உள்ளது குறிப்பிடத்தக்கது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.