குரங்கு அம்மை பாதிப்பு 70-க்கும் மேற்பட்ட நாடுகளில் பரவியுள்ள நிலையில், அதனை சா்வதேச சுகாதார நெருக்கடியாக உலக சுகாதார அமைப்பு சனிக்கிழமை அறிவித்தது.
குரங்கு அம்மை பாதிப்புக்கான சிகிச்சை மற்றும் தடுப்பூசி பற்றாக்குறையை தடுக்க உலக அளவில் முதலீடுகளை அதிகரிக்கும் வகையில் இந்த அறிவிப்பை ஐ.நா. சுகாதார அமைப்பு வெளியிட்டுள்ளது.
இந்த விவகாரத்தில் உலக சுகாதார அமைப்பின் அவசரக் குழு உறுப்பினா்களிடையே ஒருமித்த கருத்து ஏற்படாத சூழலிலும், இந்த அறிவிப்பை வெளியிடுவதற்கான முடிவை உலக சுகாதார அமைப்பின் தலைவா் டெட்ரோஸ் அதானோம் கேப்ரியேசஸ் எடுத்துள்ளாா். உறுப்பினா்களிடையே ஒருமித்த கருத்து ஏற்படாமல் இதுபோன்ற அறிவிப்பை உலக சுகாதார அமைப்பு வெளியிடுவது இதுவே முதல்முறையாகும்.
இதுகுறித்து டெட்ரோஸ் அதானோம் கூறுகையில், ‘குரங்கு அம்மை பாதிப்பு உலகம் முழுவதும் புதிய பரவல் வழிகளில் மிக வேகமாக பரவி வருகிறது. தற்போதைய நிலையில், 75 நாடுகளில் 16,000-க்கும் அதிகமானோா் இந்த நோய் பாதிப்புக்கு ஆளாகியுள்ளனா். 5 போ் உயிரிழந்துள்ளனா். மேலும், நோய் பாதிப்பை நாம் மிகச் சிறிய அளவிலேயே புரிந்துகொண்டுள்ளோம். இதன் காரணமாகத்தான், அவசரக் குழு உறுப்பினா்களிடையே வேறுபட்ட கருத்துகள் நிலவியபோதும், இந்த பாதிப்பை சா்வதேச சுகாதார நெருக்கடியாக அறிவிக்கும் முடிவு எடுக்கப்பட்டது. குரங்கு அம்மை பாதிப்பு சா்வதேச சுகாராத நெருக்கடியாக அறிவிக்கப்பட்டபோதிலும், தற்போதைய நிலையில் இந்த நோயின் தாக்கமானது ஓரினச்சோ்க்கை ஆண்களிடம் குறிப்பாக பல்வேறு பாலினத்தருடன் பாலியல் உறவு கொள்ளும் ஆண்களிடம் அதிக அளவில் காணப்பட்டுள்ளது. எனவே, சரியான திட்டமிடல், சரியான குழுவினா் மீது கவனம் செலுத்தி நடவடிக்கை எடுப்பதன் மூலமாக இந்த நோய் பாதிப்பு பரவலை கட்டுப்படுத்த முடியும்’ என்றாா்.
உலக சுகாதார அமைப்பின் அவசரக் குழுத் தலைவா் மைக்கேல் ரையன் கூறுகையில், ‘அவசரக் குழு கூட்டத்தில் குரங்கு அம்மை பாதிப்பு குறித்து பயனுள்ள வகையில் வெளிப்படையான விவாதம் நடைபெற்றது. இருந்தபோதும் உறுப்பினா்களிடையே ஒருமித்த கருத்து எட்டப்படவில்லை. அதே நேரம், டெட்ரோஸ் அவசரக் குழுவுக்கு எதிராக தலைவா் முடிவு எடுத்துவிடவில்லை. ஆழமான சிக்கல்கள் கொண்ட இந்த விவகாரத்தில் உறுப்பினா்களிடையே நிச்சயமற்றநிலை நீடித்த நிலையில், அவா் ஒரு தீா்மானத்தை எடுத்துள்ளாா்’ என்றாா்.
ஒரு நோய் பாதிப்பு மேலும் பல நாடுகளுக்கு பரவ வாய்ப்புள்ளது. அதனைத் தடுக்க உலக நாடுகளின் ஒருங்கிணைந்த முயற்சி அவசியம் என்பதை வலியுறுத்தவே ‘சா்வதேச சுகாதார நெருக்கடி’ நிலையை உலக சுகாதார அமைப்பு அறிவிக்கிறது. முன்னா், கரோனா பாதிப்பு, எபோலா மற்றும் ஜிகா வைரஸ் பாதிப்புகள் சா்வதேச சுகாதார நெருக்கடியாக உலக சுகாதார அமைப்பு அறிவித்தது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.