தீபாவளி பண்டிகையையொட்டி விராலிமலை ஆட்டுச்சந்தையில் ஆடுகள் விற்பனை தீவிரமாக நடைெபற்றது. இதில் ஆடுகள் ரூ.1 கோடிக்கு விற்பனையானதால் வியாபாரிகள் மகிழ்ச்சி அடைந்துள்ளனர்.
ஆட்டுச்சந்தை
புதுக்கோட்டை மாவட்டம், விராலிமலையில் வாரத்தின் முதல் நாளான திங்கட்கிழமை அன்று ஆட்டுச்சந்தை நடைபெறுவது வழக்கம். உள்ளூர் மட்டுமின்றி வெளியூர்களிலிருந்தும் வியாபாரிகள் இங்கு வந்து ஆடுகளை வாங்கியும், விற்பனை செய்தும் செல்வது வழக்கம். இதனால் வாரந்தோறும் அதிகாலை முதலே இச்சந்தையில் கூட்டம் அதிகமாக காணப்படும். கடந்த ஒரு மாத காலமாக புரட்டாசி மாதம் என்பதால் பெரும்பாலானோர் இறைச்சி சாப்பிடுவதை தவிர்த்து இருந்தனர். இதனால் அந்த மாதம் முழுவதும் ஆடுகளின் விற்பனை மந்தமாக இருந்தது. இந்நிலையில் நேற்றுடன் புரட்டாசி மாதம் நிறைவடைந்தது.
5 ஆயிரத்திற்கும் அதிகமான ஆடுகள்
வருகிற 24-ந்தேதி தீபாவளி பண்டிகை கொண்டாடப்படுகிறது. பண்டிகையையொட்டி நேற்று விராலிமலையில் நடைபெற்ற ஆட்டுச்சந்தையில் ஆடுகளின் வரத்து அதிகமாக காணப்பட்டது. வழக்கமாக சுமார் 2 ஆயிரத்து 500 ஆடுகள் வரும் நிலையில், தீபாவளியையொட்டி சுமார் 5 ஆயிரத்திற்கும் அதிகமான ஆடுகள் இந்த வாரச்சந்தைக்கு விற்பனைக்கு வந்திருந்தன.
ரூ.1 கோடிக்கு விற்பனை
ஆடுகளின் விலை ரூ.3 ஆயிரத்திலிருந்து ரூ.15 ஆயிரம் வரை விற்றதால் வியாபாரிகள் மகிழ்ச்சியடைந்தனர். ஒரு சில வியாபாரிகள் பண்டிகையை காரணம் காட்டி ஆட்டின் விலையை அதிகமாக நிர்ணயிப்பதால் ஆடுகள் வாங்குவதில் சிரமம் ஏற்பட்டதாக கூறி சென்றனர். நேற்றைய சந்தையில் ஆடுகளின் விற்பனை ரூ.1 கோடி இருக்கும் என வியாபாரிகள் தெரிவித்தனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.