புதுக்கோட்டை மாவட்டத்தில் வரைவு வாக்காளர் பட்டியல் வெளியிட்டதில் மொத்தம் 13 லட்சத்து 40 ஆயிரத்து 76 வாக்காளர்கள் உள்ளனர். 28 ஆயிரத்து 472 பேர் நீக்கம் செய்யப்பட்டுள்ளனர்.
புதுக்கோட்டை மாவட்டத்தில் 2023-ம் ஆண்டிற்கான வரைவு வாக்காளர் பட்டியல் வெளியிடும் நிகழ்ச்சி நேற்று கலெக்டர் அலுவலகத்தில் நடைபெற்றது. பட்டியலை கலெக்டர் கவிதாராமு வெளியிட, மாவட்ட வருவாய் அதிகாரி செல்வி பெற்றுக்கொண்டார். அதன்பின் கலெக்டர் தெரிவித்ததாவது:-
புதுக்கோட்டை மாவட்டத்தில் 6 சட்டமன்ற தொகுதிகளில் 6 லட்சத்து 61 ஆயிரத்து 124 ஆண் வாக்காளர்களும், 6 லட்சத்து 78 ஆயிரத்து 887 பெண் வாக்காளர்களும், 65 திருநங்கைகளும் என மொத்தம் 13 லட்சத்து 40 ஆயிரத்து 76 பேர் இடம்பெற்றுள்ளனர்.
2022-ம் ஆண்டிற்கான இறுதி வாக்காளர் பட்டியலில் மொத்தம் 13 லட்சத்து 63 ஆயிரத்து 126 வாக்காளர்கள் இடம் பெற்றிருந்தனர். இதில் கடந்த ஜனவரி மாதம் 5-ந் தேதி முதல் கடந்த அக்டோபர் மாதம் 20-ந் தேதி வரை தொடர் திருத்தம் நடைபெற்றது.
இந்த பணியில் 2 ஆயிரத்து 352 ஆண் வாக்காளர்கள், 3 ஆயிரத்து 70 பெண் வாக்காளர்கள் சேர்த்து மொத்தம் 5 ஆயிரத்து 422 வாக்காளர்கள் புதிதாக சேர்க்கப்பட்டுள்ளனர். மேலும் 12 ஆயிரத்து 105 ஆண் வாக்காளர்கள், 16 ஆயிரத்து 361 பெண் வாக்காளர்கள் மற்றும் 6 மூன்றாம் பாலினத்தவர்கள் சேர்த்து மொத்தம் 28 ஆயிரத்து 472 வாக்காளர்கள் நீக்கம் செய்யப்பட்டுள்ளனர். மாவட்டத்தில் 1,559 வாக்குச்சாவடி மையங்கள் உள்ளன. மேலும் மாவட்டத்தில் நகர எல்கைக்குள் 85 வாக்குச்சாவடி அமைவிடங்கள் மற்றும் கிராம எல்கைக்குள் 856 வாக்குச்சாவடி அமைவிடங்கள் என மொத்தம் 941 வரையறுக்கப்பட்ட வாக்குச்சாவடி அமைவிடங்கள் உள்ளன.
சிறப்பு முறை சுருக்கத் திருத்தத்தின் தொடர்ச்சியாக, வாக்காளர் பட்டியலில் பெயர் சேர்த்தல், நீக்கம், திருத்தம் தொடர்பான மனுக்கள் பெற நேற்று முதல் அடுத்த மாதம் (டிசம்பர்) 8-ந் தேதி வரை கால அவகாசம் வழங்கப்பட்டுள்ளது.
வாக்காளர்களின் வசதிக்கேற்ப வருகிற 12, 13, 26, 27 ஆகிய தேதிகளில் சிறப்பு முகாம் 941 வரையறுக்கப்பட்ட வாக்குச்சாவடி அமைவிடங்களில் நடைபெற உள்ளது. 2023-ம் ஆண்டிற்கான இறுதி வாக்காளர் பட்டியல் வருகிற ஜனவரி மாதம் 5-ந் தேதி வெளியிடப்பட உள்ளது. இவ்வாறு அவர் தெரிவித்தார். நிகழ்ச்சியில் அங்கீகரிக்கப்பட்ட அரசியல் கட்சி பிரதிநிதிகள், அதிகாரிகள் கலந்து கொண்டனர்.
சட்டமன்ற தொகுதி வாரியாக வாக்காளர் பட்டியல் விவரம்:
சட்டமன்ற தொகுதி |
ஆண் |
பெண் |
மூன்றாம் பாலினத்தவர் |
மொத்தம் |
அறந்தாங்கி |
1,15,991 |
1,18,277 |
5 |
2,34,273 |
கந்தர்வகோட்டை (தனி) |
1,00,509 |
99821 |
18 |
200348 |
விராலிமலை |
1,08,583 |
1,10,667 |
13 |
2,19,263 |
புதுக்கோட்டை |
1,17,319 |
1,22,563 |
21 |
2,39,903 |
திருமயம் |
1,11,591 |
1,17,043 |
4 |
2,28,638 |
ஆலங்குடி |
1,07,131 |
1,10,516 |
4 |
2,17,651 |
மொத்தம் |
6,61,124 |
6,78,887 |
65 |
13,40,076 |
ஆண்-பெண்- மூன்றாம் பாலினத்தவர்- மொத்தம்
கந்தர்வகோட்டை (தனி)-1,00,509-99821-18-200348
விராலிமலை-1,08,583-1- 10,667- 13- 2,19,263
புதுக்கோட்டை- 1,17,319- 1,22,563- 21- 2,39,903.
திருமயம்-1,11,591- 1,17,043- 4- 2,28,638
ஆலங்குடி- 1,07,131- 1,10,516- 4- 2,17,651
அறந்தாங்கி-1,15,991- 1,18,277- 5- 2,34,273
மொத்தம் - 6,61,124- 6,78,887- 65- 13,40,076.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.