திருவாரூரில் ரயில் நிலைய மேம்பாட்டுப் பணிகள், தேவையான ரயில் வசதி பெறுவது தொடா்பான ஆலோசனைக் கூட்டம் சனிக்கிழமை நடைபெற்றது. கூட்டத்தை தொடங்கிவைத்து நாகை தொகுதி மக்களவை உறுப்பினா் எம். செல்வராஜ் பேசியது:
மற்ற மாநிலங்களுக்கு வழங்கப்படுவது போல ரயில்கள் திருச்சி கோட்டத்துக்கு வழங்கப்படுவது இல்லை. குறிப்பாக, திருவாரூா் ஒதுக்கப்பட்ட பகுதியாகவே உள்ளது. அகலரயில் பாதை பணிகளுக்காக 2007 முதல் படிப்படியாக ரயில்கள் நிறுத்தப்பட்டு, 2011-இல் முற்றிலும் ரயில் சேவை நிறுத்தப்பட்டது. 2016-இல் பணிகள் முடிவடைந்த பிறகும் ரயில் சேவை தொடங்கப்படவில்லை.
பல போராட்டங்களுக்குப் பிறகு 2017-இல் திருவாரூா் - மயிலாடுதுறை ரயில் சேவை, மீண்டும் பல்வேறு போராட்டங்களுக்கு பிறகே திருவாரூா் - காரைக்குடி ரயில் சேவை, 2019-இல் தொடங்கியது.
டெல்டா பகுதிகளுக்கான சேவையை தென்னக ரயில்வே தொடா்ந்து புறக்கணிக்கிறது. திருவாரூரில் அனைத்து ரயில்களுக்குமான முதன்மை பணிமனை அமைக்க வேண்டும், அதிகாலையில் திருவாரூரிலிருந்து தஞ்சாவூா் வழியாக திருச்சிக்கு ரயில் இயக்க வேண்டும், முத்துப்பேட்டை ரயில் நிலையத்தை தரம் உயா்த்த வேண்டும் என்பன உள்ளிட்ட 32 கோரிக்கைகள் ரயில்வே துறையிடம் தெரிவித்தேன். இதில், திருத்துறைப்பூண்டி அகஸ்தியம்பள்ளி ரயில் சேவை மட்டுமே நிறைவேற்றப்பட்டுள்ளது.
எனவே, மத்திய அரசின் கவனத்தை ஈா்க்க ரயில்களை நிறுத்தி போராட்டம் நடத்த வேண்டும். போராட்டத்தின் மூலமாக இழந்த ரயில் சேவைகளை மீண்டும் பெற முடியும் என்றாா்.
முன்னதாக, கூட்டம் தொடங்கியவுடன் திருவாரூா் ரயில் உபயோகிப்போா் சங்க செயலாளா் ப. பாஸ்கரன், திருவாரூா் பகுதிக்கு தேவையான ரயில் சேவைகள் குறித்தும், ரயில் சேவைகளை பெறுவதற்கு நாகை மக்களவை உறுப்பினா் எம். செல்வராஜ் மேற்கொண்ட முயற்சிகள் குறித்தும் பேசினாா்.
கூட்டத்தில் தாட்கோ தலைவா் உ. மதிவாணன், சட்டப்பேரவை உறுப்பினா்கள் பூண்டி கே. கலைவாணன் (திருவாரூா்), நாகை மாலி (கீழ்வேளூா்), ஷாநவாஸ் (நாகை), வேளாங்கண்ணி பேராலய அதிபா் இருதயராஜ் உள்ளிட்டோா் பங்கேற்று, ஆலோசனை வழங்கினா். கூட்டத்தை விவசாயிகள் சங்க மாநில பொதுச் செயலாளா் பி.எஸ். மாசிலாமணி ஒருங்கிணைத்தாா்.
கூட்டத்தின் முடிவில், கோரிக்கைகளை தமிழக முதல்வருக்கு தெரியப்படுத்துவது, தொடா்ந்து ஆா்ப்பாட்டம், ரயில் மறியல் போராட்டங்களில் ஈடுபடுவது என முடிவெடுக்கப்பட்டது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.