புதுக்கோட்டையில் பழனியப்பா முக்கம் அருகே நகராட்சி கட்டிடத்தில் டாஸ்மாக் கடை இயங்கி வருகிறது. இந்த கடையின் அருகே ராணியார் அரசு மகப்பேறு மருத்துவமனை மற்றும் அரசு பள்ளிக்கூடம் உள்ளது.
பொதுமக்கள் நடமாட்டம் அதிகமாக உள்ள இந்த பகுதியிலும், மருத்துவமனைக்கு கர்ப்பிணிகள் வந்து செல்லக்கூடிய இந்த இடத்தில் உள்ள டாஸ்மாக் கடையால் பாதிப்பு ஏற்படுவதாகவும், இந்த டாஸ்மாக் கடையை அகற்றக்கோரி பொதுமக்கள் மற்றும் மார்க்சிஸ்ட் கம்யூனிஸ்டு கட்சி உள்பட பல்வேறு அமைப்பு சார்பில் பல்வேறு கட்டங்களாக போராட்டம் நடந்து வந்துள்ளது. போராட்டத்தின் போது கடை மூடப்படும் என அறிவித்தாலும், அதனை செயல்படுத்தாமல் டாஸ்மாக் அதிகாரிகள் இருந்து வந்தனர்.
இந்த நிலையில் சம்பந்தப்பட்ட டாஸ்மாக் கடையை இழுத்து மூடி பூட்டு போடும் போராட்டம் நடைபெறும் என மார்க்சிஸ்ட் கம்யூனிஸ்டு கட்சி சார்பில் அறிவிக்கப்பட்டிருந்தது. அதன்படி போராட்டத்தில் ஈடுபட நகர செயலாளர் சோலையப்பன் தலைமையில் நிர்வாகிகள், கட்சியினர், மாதர் சங்கத்தினர், இந்திய ஜனநாயக வாலிபர் சங்கத்தினர் உள்ளிட்ட அமைப்பினர் நேற்று புதுக்கோட்டை நகர்மன்ற வளாகம் அருகே குவிந்தனர்.
அவர்களில் சிறுவர்கள் சிலர் காந்தி, கருணாநிதி, போலீசார் வேடம் அணிந்திருந்தனர். நகர்மன்ற வளாகத்தில் இருந்து போராட்டக்காரர்கள் ஊர்வலமாக புறப்பட்டு டாஸ்மாக் கடையை நோக்கி வந்தனர். போராட்டத்தையொட்டி டாஸ்மாக் கடை முன்பும், அதற்கு முன்பாக உள்ள சாலையிலும் இரும்பு தடுப்புகள் வைத்து போலீசார் பாதுகாப்பு ஏற்பாடு செய்திருந்தனர்.
இதற்கிடையில் போராட்டக்காரர்களை போலீசார் தடுத்து நிறுத்த முயன்ற போது அவர்கள் இரும்பு தடுப்புகளை தகர்த்தெறிந்துக்கொண்டு டாஸ்மாக் கடையை முற்றுகையிட்டனர். கடையின் முன்பு பாதுகாப்பு பணியில் இருந்த போலீசாருக்கும், போராட்டக்காரர்களுக்கும் இடையே வாக்குவாதம் ஏற்பட்டது.
மேலும் போராட்டக்காரர்கள் கடைக்கு பூட்டு போட முயன்றதால் அங்கிருந்தவர்களுக்கும், போலீசாருக்கும் இடையே தள்ளு-முள்ளு ஏற்பட்டது. தொடர்ந்து கடையின் முன்பு அமர்ந்து கோஷம் எழுப்பியபடி போராட்டத்தில் ஈடுபட்டனர். சிலர் சாலை மறியலில் ஈடுபட்டனர். போராட்டத்தில் ஈடுபட்டவர்களிடம் டவுன் துணை போலீஸ் சூப்பிரண்டு ராகவி மற்றும் போலீசார் பேச்சுவார்த்தை நடத்தினர். மேலும் டாஸ்மாக் நிர்வாகம் தரப்பிலும் அதிகாரிகள் வரவழைக்கப்பட்டனர்.
பேச்சுவார்த்தையில் சம்பந்தப்பட்ட அந்த டாஸ்மாக் கடையை நிரந்தரமாக மூடுவதாகவும், அதில் உள்ள மதுபாட்டில்களை எடுத்துக்கொள்வதாகவும் தெரிவித்தனர். இதைத்தொடர்ந்து வருவாய்த்துறை சார்பில் டாஸ்மாக் கடையின் ஷட்டருக்கு முன்பு உள்ள கதவில் பூட்டு போட்டு பூட்டினர். கடையை திறந்து மதுபாட்டில்களை எடுக்கும் போது தகவல் தெரிவிக்க டாஸ்மாக் அதிகாரிகளுக்கு அறிவுறுத்தினர். அதன்பின் போராட்டம் கைவிடப்பட்டது.
மேலும் சாலை மறியல், போராட்டத்தில் ஈடுபட்டதற்காக 30-க்கும் மேற்பட்டவர்களை போலீசார் கைது செய்து வேனில் ஏற்றி சென்று அருகில் உள்ள மண்டபத்தில் தங்க வைத்தனர். பின்னர் அனைவரும் மாலையில் விடுவிக்கப்பட்டனர். இந்த போராட்டத்தின் போது தள்ளு-முள்ளு, இரும்பு தடுப்புகள் அகற்றத்தின் போது 2 போலீசாருக்கு லேசான காயம் ஏற்பட்டது. மேலும் சாலையில் சிறிது நேரம் போக்குவரத்து பாதிப்படைந்து பரபரப்பானது. மூடப்பட்ட டாஸ்மாக் கடையை வேறு இடத்தில் திறக்க அதிகாரிகள் முடிவு செய்துள்ளனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.