வங்கிக் கணக்கை தொடங்கும் ரேசன் அட்டைதாரர்களிடம் ஆதார் நம்பரை கேட்க வேண்டாம் என்று உணவுத்துறை அதிகாரிகளுக்கு அரசு உத்தரவிட்டுள்ளது.
வங்கிக் கணக்கு இல்லாதவர்கள்
தமிழக கூட்டுறவு சங்கங்களின் பதிவாளர் அ.சண்முக சுந்தரம், அனைத்து மண்டல இணைப் பதிவாளர்கள் உள்ளிட்ட அதிகாரிகளுக்கு சமீபத்தில் சுற்றறிக்கை ஒன்றை அனுப்பினார். அதில், தமிழகம் முழுவதும் உள்ள ரேசன் அட்டைதாரர்களில் 14.86 லட்சம் ரேசன் அட்டைதாரர்களுக்கு வங்கிக் கணக்கு எதுவும் இல்லை என்பதால் அவர்களுக்கு வங்கிக் கணக்கை தொடங்க வேண்டும் என்று கூறியிருந்தார்.
அதில், இவர்களில் யாராவது ஏற்கனவே வங்கிக் கணக்கு வைத்திருந்தால் அதன் விவரங்களை பெறவும், கணக்கு இல்லாதவர்களுக்கு அருகில் உள்ள மாவட்ட மத்திய கூட்டுறவு வங்கிகளில் ‘ஜீரோ பாலன்ஸ்’ (பணமில்லாத) வங்கிக் கணக்கை தொடங்க ஏற்பாடு செய்யவும் உத்தரவிடப்பட்டுள்ளது.
கலெக்டர்களுக்கு உத்தரவு
இந்தநிலையில் உணவு பொருள் வழங்க மற்றும் நுகர்வோர் பாதுகாப்புத்துறை ஆணையர், மாவட்ட கலெக்டர்களுக்கு நேற்று சுற்றறிக்கை அனுப்பியுள்ளார். அதில் கூறப்பட்டு இருப்பதாவது:-
வங்கிக் கணக்கு இல்லாதவர்கள், புதிய வங்கிக் கணக்கு தொடங்குவதற்காக அருகில் உள்ள கூட்டுறவு வங்கியின் விண்ணப்பத்தை அவர்களின் ரேசன் கடையில் பெற்றுக்கொள்ள அறிவுறுத்த வேண்டும்.
ஏற்கனவே வங்கிக் கணக்கு இருந்தால் (ஆதார் எண் இணைக்கப்படாதவை), அந்த ரேசன் அட்டைதாரர்கள் அந்த வங்கிக்குச் சென்று அவர்களின் ஆதார் நம்பரை இணைக்க அறிவுறுத்த வேண்டும். இல்லாவிட்டால், அருகில் உள்ள கூட்டுறவு வங்கியிலோ அல்லது தேசிய மயமாக்கப்பட்ட வங்கியிலோ புதிய கணக்கை தொடங்கி, அதில் ஆதார் நம்பரை இணைத்து, அந்த விவரங்களை தங்களின் ரேசன் கடையில் தெரிவிக்கும்படி அறிவுறுத்த வேண்டும்.
வாங்க வேண்டாம்
அந்த வகையில், ரேசன் அட்டைதாரரின் ஆதார் நம்பரை எந்தக் காரணத்தைக் கொண்டும் துறை அலுவலர்கள் கேட்கவோ, ஆதார் அட்டையின் நகலை பெறவோ கூடாது என்பதை அறிவுறுத்த வேண்டும். இவ்வாறு அதில் கூறப்பட்டுள்ளது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.