பொன்னமராவதி அருகே முதியவரின் ஏ.டி.எம். கார்டை மாற்றி ரூ.74 ஆயிரம் அபேஸ் செய்த வாலிபரை போலீசார் வலைவீசி தேடி வருகின்றனர்.
ரகசிய எண்ணை மாற்றி...
புதுக்கோட்டை மாவட்டம், பொன்னமராவதி அருகே பணையப்பட்டியை சேர்ந்தவர் பாண்டியன் (வயது 69). இவர், பொன்னமராவதியில் உள்ள சந்தைக்கு வந்து விட்டு அங்குள்ள ஸ்டேட் வங்கியில் உள்ள ஏ.டி.எம். மையத்தில் பணம் எடுக்க சென்றுள்ளார். அப்போது அருகில் இருந்த ஒரு வாலிபரிடம் ஏ.டி.எம். கார்டை கொடுத்து, ரகசிய எண்ணை மாற்றி கொடுங்கள், மேலும் ரூ.10 ஆயிரம் எடுத்து கொடுங்கள் என்று கூறியுள்ளார். இதையடுத்து அந்த வாலிபர் ரகசிய எண்ணை மாற்றியுள்ளார்.
அப்போது, முதியவர் செல்போனுக்கு ஓ.டி.பி. வருவதை பார்த்த அந்த வாலிபர், பணம் வரவில்லை என்று கூறி செல்போனை அவரிடம் கொடுத்து விட்டார். மேலும் முதியவரிடம் மற்றொரு ஏ.டி.எம்.கார்டை கொடுத்து அனுப்பி வைத்தார். பின்னர் இதுகுறித்து கேட்பதற்காக பாண்டியன் ஸ்டேட் வங்கிக்கு சென்றுள்ளார்.
ரூ.74 ஆயிரம் அபேஸ்
இதற்கிடையே கார்டை மாற்றிய அந்த வாலிபர் முதியவர் கார்டு மூலம் ஏ.டி.எம்.மில் ரூ.40 ஆயிரத்தை எடுத்துள்ளார். பின்னர் புதுவளவில் உள்ள ஒரு நகைக்கடையில் ரூ.34,400-க்கு நகை எடுத்துள்ளார். அதற்கு முதியவர் ஏ.டி.எம். கார்டை பயன்படுத்தி அங்குள்ள ஸ்வைப் மிஷினில் பண பரிவர்த்தனையை செய்துள்ளார்.
இந்நிலையில் பாண்டியன் ஸ்டேட் வங்கியின் அலுவலகத்திற்கு சென்று ஊழியர்களிடம் கார்டை கொடுத்து பரிசோதித்து பார்த்தார். அப்போது ஊழியர்கள் இது உங்களது ஏ.டி.எம். கார்டு இல்லை என்றும், உங்களது வங்கி கணக்கு எண்ணை சொல்லுங்கள் என்று கூறியுள்ளனர். இதையடுத்து வங்கியில் அவரது கணக்கை சரிபார்த்த போது, ரூ.74 ஆயிரத்து 400 எடுக்கப்பட்டுள்ளது என்றும், ஏ.டி.எம் கார்டை மாற்றி கொடுத்து பணம் எடுத்து சென்றது தெரிய வந்தது.
வலைவீச்சு
இதுகுறித்து பொன்னமராவதி போலீஸ் நிலையத்தில் பாண்டியன் புகார் அளித்தார். அதன்பேரில் போலீஸ் சப்-இன்ஸ்பெக்டர் முத்து வழக்குப்பதிவு செய்து முதியவரின் ஏ.டி.எம்.கார்டை பயன்படுத்தி பணம் எடுத்த வாலிபரை வலைவீசி தேடி வருகின்றனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.