SSS ஹூப்ளி - ராமேஸ்வரம் சிறப்பு ரயில் சேவை 2023 மார்ச் மாதம் வரை நீட்டிப்பு - தென் மேற்கு ரயில்வே அறிவிப்பு




SSS ஹூப்ளி - ராமேஸ்வரம்  சிறப்பு ரயில் சேவை 2023 மார்ச் மாதம் வரை நீட்டிப்பு - தென் மேற்கு ரயில்வே அறிவித்துள்ளது.

ராமேஸ்வரம் - ஹூப்ளி இடையே வாராந்திர சிறப்பு ரயில் சேவை நீட்டிக்கப்பட்டுள்ளது. இதனால் ரயில் பயணிகள் மகிழ்ச்சி அடைந்துள்ளனர். மேலும், ஒசூர் , தர்மபுரி, சேலம், நாமக்கல், கரூர், திருச்சி, புதுக்கோட்டை, காரைக்குடி, மானாமதுரை இராமநாதபுரம் பகுதிகளில் ரயில் நின்று செல்லும்.

இதுகுறித்து தென்மேற்கு ரயில்வே நிர்வாகம் செய்தி குறிப்பும் வெளியிட்டுள்ளதால், பொதுமக்கள் மகிழ்ச்சியடைந்துள்ளனர்.

ஹூப்ளி - ராமேஸ்வரம்

அதன்படி ஹூப்ளி - ராமேஸ்வரம் வாராந்திர சிறப்பு ரயில் (07355) ஹூப்ளியில் இருந்து ஜனவரி 07ம் தேதி முதல் மார்ச் 25ம் தேதி வரை சனிக்கிழமைகளில் காலை 6.30 மணிக்கு புறப்பட்டு மறுநாள் காலை 6.15 மணிக்கு ராமேஸ்வரம் வந்து சேரும்.

இராமேஸ்வரம் -‌ஹூப்ளி

மறுமார்க்கத்தில் ராமேஸ்வரம் - ஹூப்ளி வாராந்திர சிறப்பு கட்டண ரயில் (07356) ராமேஸ்வரத்தில் இருந்து ஜனவரி 08ம் தேதி முதல் மார்ச் 26ம் தேதி வரை ஞாயிற்றுக்கிழமைகளில் இரவு 9 மணிக்கு புறப்பட்டு மறுநாள் இரவு 7.25 மணிக்கு ஹூப்ளி சென்று சேரும்.

இந்த ரயில்களில் ஒரு குளிர்சாதன 2 அடுக்கு படுக்கை வசதி பெட்டி, 3 குளிர்சாதன 3 அடுக்கு படுக்கை வசதி பெட்டிகள், 9 2ம் வகுப்பு படுக்கை வசதி பெட்டிகள், 5 இரண்டாம் வகுப்பு பொதுப் பெட்டிகள், 2 மாற்றுத்திறனாளிகளுக்கான பெட்டிகள் இணைக்கப்படுகிறது

இந்த ரயில்கள் ஹவேரி, ராணி பென்னுரு, ஹரிஹார், தேவனஹரி, சிக் ஜாஜுர், பிரூர் அரிசிகரே, தும்கூர், எஸ்வந்த்பூர் (பெங்களூரு), பனஸ்வாடி,(பெங்களூரு), ஓசூர், தர்மபுரி, ஓமலூர், சேலம், நாமக்கல், கரூர், திருச்சி, புதுக்கோட்டை, காரைக்குடி, மானாமதுரை, ராமநாதபுரம் ஆகிய ரயில் நிலையங்களில் நின்று செல்லும்.

பக்தர்கள், சுற்றுலா பயணிகள், பொதுமக்கள் பயன்பாட்டிற்காக ரயில் சேவை நீட்டிப்பு செய்யப்பட்டதால் மகிழ்ச்சி அடைந்துள்ளனர்.






எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...



Post a Comment

0 Comments