இலங்கை சிறையிலிருந்து விடுவிக்கப்பட்ட தமிழகம் மற்றும் புதுச்சேரி மீனவர்கள் 14 பேர் சென்னை வந்தனர். புதுக்கோட்டை, நாகப்பட்டினம், காரைக்கால் ஆகிய பகுதிகளைச் சேர்ந்த 14 மீனவர்கள் கடந்த மாதம்16-ம் தேதி இந்திய கடல் எல்லையில் மீன்பிடித்துக் கொண்டு இருந்தபோது விசைப் படகில் பழுது ஏற்பட்டது. அப்போது இலங்கை கடற்படை போலீஸார் எல்லை தாண்டி வந்து மீன்பிடித்ததாகக் கூறி 14 மீனவர்களைக் கைது செய்தனா்.
பின்னர் அவர்களை இலங்கைக்கு அழைத்துச் சென்று நீதிமன்றத்தில் ஆஜா்படுத்தி சிறையில் அடைத்தனர். மீனவர்களின் படகுகளும் பறிமுதல் செய்யப்பட்டன. கைது செய்யப்பட்ட மீனவர்களை உடனடியாக விடுவிக்க மத்திய, மாநில அரசுகள் நடவடிக்கை எடுத்தன.
இந்நிலையில், காரைக்கால் மீனவர்கள் 10 பேர், புதுக்கோட்டை மீனவர்கள் 3 பேர், நாகை மீனவர்ஒருவர் என மொத்தம் 14 மீனவர்களை இலங்கை நீதிமன்றம் விடுதலை செய்தது. பின்னர் 14 மீனவர்களும் இலங்கையில் உள்ள இந்தியத் தூதரகத்திடம் ஒப்படைக்கப்பட்டனர். 14 மீனவர்களுக்கும் அவசர கால சான்று வழங்கப்பட்டு இலங்கைத் தலைநகர் கொழும்புவில் இருந்து விமானத்தில் சென்னைக்கு அனுப்பி வைக்கப்பட்டனர்.
சென்னை விமான நிலையத்தில் மீனவர்களுக்கு பாஜக சார்பில் வரவேற்பு அளிக்கப்பட்டது. பின்னர், தமிழக மீன்வளத் துறை அதிகாரிகள் மீனவர்களை சொந்த ஊர்களுக்கு அழைத்துச் சென்றனர்.
முன்னதாக மீனவர்கள் கூறுகையில், “இந்திய எல்லையில் மீன்பிடித்த போது படகு பழுதடைந்து நின்றது. அப்போது, எல்லை தாண்டிவந்ததாகக் கூறி இலங்கை கடற்படையினர் கைது செய்து சிறையில் அடைத்தனர். எங்களை விடுவித்தாலும் படகுகளை வைத்துக்கொள்கிறார்கள். படகுகளை மீட்டுத் தந்தால்தான் மீனவர்களுக்கு வாழ்வாதாரம் கிடைக்கும். இலங்கை அரசு மீனவர்களின் பெரும் மதிப்புள்ள சொத்துகளை முடக்கி வைத்துக் கொள்கிறது. அவற்றை மத்திய, மாநில அரசுகள் மீட்டுத் தர வேண்டும்” என்றனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.