பல்வேறு மாவட்டங்களில் இருந்து சென்னைக்கு அதிக பயணிகள் தினமும் வருகை தருகின்றனர். செங்கல்பட்டு வழியாக வரும் பல ஆம்னி பஸ்கள், தாம்பரம் வழியாக வராமல் அதற்கு முன்பதாக உள்ள மதுரவாயல் பைபாஸ் சாலை வழியாக கோயம்பேடு பஸ் நிலையத்துக்கு செல்கின்றன.
சில அரசு விரைவு போக்குவரத்துக்கழக பஸ்களும் இந்த வழியை பின்பற்றுகின்றன. எனவே தாம்பரம், குரோம்பேட்டை, வடபழனிக்கு போன்ற இடங்களுக்கு செல்ல வேண்டிய பயணிகளுக்கு சிரமம் ஏற்படுகிறது.
சுற்றறிக்கை
இதற்கு தீர்வு காணும் வகையில், அரசு விரைவு போக்குவரத்துக்கழகத்தின் அனைத்து கிளை மேலாளர்கள், உதவி மேலாளர்கள், பயணச்சீட்டு ஆய்வாளர்கள், டிரைவர்கள் மற்றும் கண்டக்டர்கள், திருச்சி, சேலம் மற்றும் நெல்லை கோட்ட மேலாளர்களுக்கு, இந்த கழகத்தின் மேலாண் இயக்குனர் சுற்றறிக்கை அனுப்பியுள்ளார். அதில் கூறப்பட்டு இருப்பதாவது:-
அரசு விரைவு போக்குவரத்துக்கழக பஸ்கள் மூலம் சென்னைக்கு வரும் பயணிகளின் வசதிக்காக இந்த உத்தரவு பிறப்பிக்கப்படுகிறது. அதன்படி, அனைத்து ஊர்களில் இருந்து சென்னைக்கு வரும் பஸ்கள் அனைத்தும் தாம்பரம் வழியாக (கோயம்பேடுக்கு) இயக்கப்பட வேண்டும்.
அந்த பஸ்களை தாம்பரம் மாநகர பஸ் நிறுத்தத்தில் இருந்து தள்ளி இடது பக்கமாக நிறுத்தி பயணிகளை அங்கு இறக்கிவிட வேண்டும். இதனால் தாம்பரம், குரோம்பேட்டை, ஆசர்கானா, வடபழனிக்கு செல்லும் பயணிகள் பயனடைவார்கள். அதோடு அரசு விரைவு போக்குவரத்துக்கழகத்திற்கும் வருவாய் அதிகரிக்கும்.
மாலையில் மட்டும்...
ஆனால், மாலை 5 மணிக்கு மேல் பெருங்களத்தூர் வழியாக சென்னைக்கு வரும் பஸ்கள் மட்டும் மதுரவாயல் சுங்கச்சாவடி வழியாக கோயம்பேடு பஸ் நிலையத்திற்கு இயக்கப்பட வேண்டும்.
இவ்வாறு அதில் கூறப்பட்டுள்ளது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.