அறந்தாங்கி தாலுகா நாகுடி அருகே மாணவநல்லூரை சேர்ந்த சித்ரா மாவட்ட கலெக்டரிடம் மனு கொடுத்தார். அதில், எனக்கு திருமணம் ஆகி 2 ஆண் பிள்ளைகள் உள்ளனர். எனது கணவர் குமார் கடந்த ஒரு ஆண்டுக்கு முன்பு துபாய்க்கு சென்று அங்குள்ள ஒரு ஓட்டலில் பரோட்டா மாஸ்டராக வேலை பார்த்து வந்தார். சமீப காலமாக அவருக்கு உடல்நிலை சரியில்லை என்றும், நான் ஊருக்கு வருகிறேன் என்றும் செல்போனில் கூறினார். நாங்களும் ஊருக்கு வரச் சொல்லியிருந்தோம். இதற்கிடையில் 10 நாட்களுக்கு முன்பு இரவு ஊருக்கு வருவதாகவும், திருச்சி விமான நிலையத்துக்கு எங்களையும் வர சொல்லியிருந்தார்.
நாங்களும் திருச்சி விமான நிலையத்தில் காத்திருந்தோம். ஆனால் அவர் ஊருக்கு வரவில்லை. இது சம்பந்தமாக என் கணவருக்கு செல்போனில் தொடர்பு கொண்ட போது செல்போன் சுவிட்ச் ஆப் என்று வருகிறது. பின்னர் எனது கணவர் வேலை செய்யும் ஓட்டல் முதலாளிக்கு செல்ேபானில் தொடர்பு கொண்டு கேட்ட போது குமாருக்கு உடல்நிலை மிகவும் மோசமாக இருப்பதால் விமானத்தில் ஏற்ற மறுத்து விட்டார்கள் என்று கூறினார்.
இந்நிலையில் அங்கு வேலை பார்க்கும் வேறு ஒரு நபர் மூலம் என் கணவர் தங்கி இருக்கும் விடுதியில் சென்று பார்த்த போது நடக்க கூட முடியாமல் மிக மோசமான நிலையில் இருக்கும் வீடியோ பதிவை எங்களுக்கு அனுப்பி வைத்தனர். மேலும் எனது கணவருக்கு எந்த சிகிச்சை அளிக்காமலும், ஊருக்கும் அனுப்பாமலும் இருப்பதால் அவர் உயிருக்கு ஆபத்து ஏற்படும் நிலையில் உள்ளது. எனவே உடல்நிலை சரியில்லாமல் துபாயில் உள்ள என் கணவரை மீட்டு சிகிச்சை அளிக்க ஆவன செய்யுமாறு, அந்த மனுவில் தெரிவித்திருந்தார்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.