மணமேல்குடி, ஆவுடையார்கோவில் பகுதிகளில் வறட்சியால் பாதிப்படைந்த விவசாயிகளுக்கு ரூ.6½ கோடி நிவாரணம் வழங்க அரசுக்கு பரிந்துரை செய்யப்பட்டுள்ளது.
வறட்சியால் பாதிப்பு
புதுக்கோட்டை மாவட்டத்தில் கடந்த ஆண்டு (2022) வடகிழக்கு பருவ மழை போதுமான அளவு பெய்யவில்லை. மழையை நம்பி விவசாயத்தில் பயிரிட்ட விவசாயிகள் பாதிப்படைந்தனர். இதில் மணமேல்குடி, ஆவுடையார்கோவில் தாலுகா பகுதிகளில் விவசாயிகள் அதிகம் பாதிப்படைந்தனர். இதனால் நிவாரணம் வழங்க கோரி விவசாயிகள் அரசுக்கு கோரிக்கை விடுத்து வந்தனர். இது தொடர்பாக அதிகாரிகள் ஆய்வு மேற்கொண்டனர்.
இதில் மணமேல்குடி, ஆவுடையார்கோவில் தாலுகாவை சேர்ந்த மொத்தம் 6 ஆயிரத்து 746 விவசாயிகளுக்கு ரூ.6 கோடியே 62 லட்சத்து 60 ஆயிரம் வரை நிவாரணம் வழங்க அரசுக்கு பரிந்துரை செய்யப்பட்டுள்ளதாக தகவல் வெளியாகி உள்ளது. இந்த பரிந்துரையின் படி நிவாரணம் வழங்கப்படுவது தொடர்பாக அரசு தரப்பில் இருந்து அறிவிப்பு வெளியாகும். ஆனால் அதிகாரப்பூர்வமாக இதுவரை அறிவிப்பு எதுவும் வரவில்லை என அதிகாரிகள் வட்டாரத்தில் தெரிவித்தனர்.
நிதி ஒதுக்கீடா?
இது தொடர்பாக அதிகாரிகள் கூறுகையில், "நிவாரணம் வழங்க அரசுக்கு பரிந்துரை மட்டும் செய்யப்பட்டுள்ளது. நிதி ஒதுக்கீடு செய்து அறிவிப்பு அரசு தான் தெரிவிக்கும். பரிந்துரைத்த தொகை வழங்கப்படுமா? அல்லது குறைவாக வழங்கப்படுமா? என்பது தெரியாது. நிவாரண நிதி ஒதுக்கப்பட்டது தொடர்பாக அறிவிப்பு எதுவும் வரவில்லை. பருவம் தவறி பெய்த மழையில் விவசாயிகள் சிலர் பாதிப்படைந்தனர். அவர்களுக்கு நிவாரணம் ஏற்கனவே வழங்கப்பட்டு விட்டது'' என்றனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.