மணிப்பூர் தொடர் வன்முறை, பாலியல் கொடுமைகள், தீ வைப்பு, கொலைகளை கண்டித்தும், மணிப்பூர் முதல்-மந்திரி பதவி விலக்கோரியும், அமைதியை ஏற்படுத்த தவறிய மணிப்பூர் மாநில, மத்திய அரசை கண்டித்தும், பொது சிவில் சட்டத்தை கைவிடக்கோரியும் மணிப்பூர் ஒருமைப்பாடு மக்கள் கூட்டமைப்பின் சார்பில் புதுக்கோட்டை சின்னப்பா பூங்காவில் ஆர்ப்பாட்டம் நடைபெற்றது. ஆர்ப்பாட்டத்தில் தி.மு.க., காங்கிரஸ் மற்றும் கூட்டணி கட்சிகள், சமூக அமைப்புகள், ஜனநாயக அமைப்புகள், சிறுபான்மை அமைப்புகள் கலந்து கொண்டனர். ஆர்ப்பாட்டத்திற்கு புதுக்கோட்டை முன்னாள் நகர்மன்ற தலைவர் துரை.திவ்யநாதன் தலைமை தாங்கினார். காங்கிரஸ் கட்சியின் மாநில பேச்சாளர் திருச்சி வேலுச்சாமி சிறப்பு அழைப்பாளராக கலந்து கொண்டு பேசினார். அதைத்தொடர்ந்து சின்னப்பா பூங்காவில் இருந்து கலெக்டர் அலுவலகம் வரை ஊர்வலமாக சென்றனர். ஊர்வலம் கலெக்டர் அலுவலக நுழைவுவாயிலை வந்த பின்பு அங்கு கோஷங்களை எழுப்பினர்.
அதை தொடர்ந்து ஊர்வலத்தில் வந்தவர்கள் கலெக்டர் அலுவலகத்திற்குள் செல்ல முயன்றனர். அப்போது போலீசார் அவர்களை தடுத்து நிறுத்தி கதவை சாத்தினர். இதனால் போலீசாருக்கும், ஊர்வலத்தில் வந்தவர்கள் இடையில் தள்ளு-முள்ளு ஏற்பட்டதால் பரபரப்பு ஏற்பட்டது. பின்னர் முக்கிய தலைவர்கள் மட்டும் கலெக்டர் அலுவலகத்திற்குள் செல்ல அனுமதிக்கப்பட்டனர். மாவட்ட கலெக்டர் அலுவலகத்தில் இல்லாததால் கலெக்டர் வந்த பின்பு மனு கொடுக்கலாம் என்று கூறியதையடுத்து அவர்கள் அங்கிருந்து கலைந்து சென்றனர். ஊர்வலத்தில் தி.மு.க. வடக்கு மாவட்ட செயலாளர் கே.கே.செல்லப்பாண்டியன், காங்கிரஸ் முன்னாள் எம்.எல்.ஏ.ராமசுப்புராமன், நகர்மன்ற துணை தலைவர் லியாகத் அலி, தி.மு.க. நகர செயலாளர் செந்தில், காங்கிரஸ் நகர தலைவர் இப்ராகிம் பாபு உள்பட பலர் கலந்து கொண்டனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.