புதிய பஸ் நிலையம்
புதுக்கோட்டை நகராட்சியில் ஒருங்கிணைந்த புதிய பஸ் நிலையத்தில் கட்டிடங்கள் பல சேதமடைந்து காணப்படுகிறது. இதில் ஒரு சில இடங்களில் கான்கிரீட் சிமெண்டு பூச்சு பெயர்ந்து விழுந்தது. இதனால் கட்டிடங்களை முழுமையாக இடித்து விட்டு புதிய கட்டிடம் கட்ட நகராட்சி நிர்வாகம் முடிவு செய்துள்ளது. இதற்கான நிதி ஒதுக்கப்பட்டு பணிகள் விரைவில் தொடங்கப்பட உள்ளது.
இதற்கிடையில் இந்த கட்டுமான பணியின் போது பஸ்களை இயக்க தற்காலிக பஸ் நிலையம் அமைக்க கலைஞர் மகளிர் கல்லூரி எதிரே எழில்நகர் அருகே இடம் தேர்வு செய்யப்பட்டது. இந்த நிலையில் தீபாவளி பண்டிகை அடுத்த மாதம் (நவம்பர்) 12-ந் தேதி வர உள்ளது. அதுவரை தற்போது உள்ள பஸ் நிலையத்தில் பணிகள் தொடங்க வேண்டாம் என பல தரப்பில் இருந்து நகராட்சி நிர்வாகத்திடம் கோரிக்கை வைக்கப்பட்டது. பொதுமக்கள் வந்து செல்லவும், கடை வியாபாரிகளும் பாதிப்படையும் என்பதால் இந்த பணி தற்காலிகமாக ஒத்திவைக்கப்பட்டன.
இடம் மாறுகிறதா?
இந்த நிலையில் தற்காலிக பஸ் நிலையம் அமைக்க தேர்வு செய்யப்பட்ட இடத்தை மாற்ற முடிவு செய்திருப்பதாக கூறப்படுகிறது. அந்த இடத்தில் மழை பெய்தால் தண்ணீர் தேங்கும், பஸ்கள் சென்று வருவதில் சிரமம் ஏற்படும் என போக்குவரத்து துறை வட்டாரத்தில் கூறியதாக தெரிகிறது. இதனால் வேறு இடத்தில் தற்காலிக பஸ் நிலையம் அமைக்க இடம் தேர்வு செய்ய முடிவு செய்துள்ளனர்.
இதில் தற்போது உள்ள புதிய பஸ் நிலையத்தின் பின்பகுதியில் அரசு போக்குவரத்து கழக பணிமனை அருகே அல்லது பஸ் நிலையம் அருகே வீட்டு வசதி வாரியத்தின் பழைய கட்டிடங்களை இடித்து அகற்றி விட்டு அதில் அமைக்கலாமா? என அதிகாரிகள் மட்டத்தில் ஆலோசித்து வருகின்றனர். எதுவாயினும் தீபாவளி பண்டிகைக்கு பிறகு தான் தற்காலிக பஸ் நிலையம் அமைக்க இடம் முடிவு செய்யப்படும் என கூறப்படுகிறது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.