மழை காரணமாக தள்ளிவைக்கப்பட்ட அரையாண்டு தேர்வு வருகிற 13-ந்தேதி தொடங்கி 22-ந்தேதியுடன் முடிகிறது. இதுதொடர்பான புதிய அட்டவணையை பள்ளிக்கல்வித்துறை வெளியிட்டு உள்ளது.
அரையாண்டு தேர்வு
`மிக்ஜம்' புயல் மழை பாதிப்பால், சென்னை, திருவள்ளூர், காஞ்சீபுரம், செங்கல்பட்டு ஆகிய 4 மாவட்டங்களை சேர்ந்த பெரும்பாலான பள்ளிகளில் தண்ணீர் சூழ்ந்தன. அதிலும் சென்னை, திருவள்ளூர் மாவட்டங்களில் பள்ளிகளுக்கு தொடர் விடுமுறையும், மற்ற 2 மாவட்டங்களில் குறிப்பிட்ட சில பகுதி பள்ளிகளுக்கு விடுமுறையும் விடப்பட்டது.
இந்த நிலையில் அரசு மற்றும் அரசு உதவி பெறும் பள்ளி மாணவ-மாணவிகளுக்கு ஒரே மாதிரியான வினாத்தாள் அடிப்படையில் அரையாண்டு தேர்வு நடத்த பள்ளிக்கல்வித் துறை முடிவு செய்து அதற்கேற்றாற்போல் பணிகள் நடந்து வந்தன. அதன்படி, கடந்த 7-ந்தேதி முதல் பிளஸ்-1, பிளஸ்-2 வகுப்புக்கு அரையாண்டு தேர்வு தொடங்கி நடைபெற இருந்த நிலையில், இந்த மழை பாதிப்பால், சென்னை உள்பட 4 மாவட்டங்களில் தேர்வுகள் நடத்த முடியாத சூழல் ஏற்பட்டது.
2-வது முறையாக மாற்றம்
இதனால் தேர்வு அட்டவணையில் மாற்றம் செய்யப்பட்டு, பிளஸ்-1, பிளஸ்-2 மாணவ-மாணவிகளுக்கு 7, 8-ந்தேதிகளில் நடத்தப்பட இருந்த தேர்வை மற்றொரு தேதிக்கும், மற்ற மாணவர்களுக்கு ஏற்கனவே குறிப்பிட்டு இருந்த தேதியிலும் தேர்வு நடத்த பள்ளிக்கல்வித் துறை உத்தரவிட்டு இருந்தது. அதன்படி பணிகளும் நடந்து வந்த நிலையில், தற்போது 2-வது முறையாக மீண்டும் அரையாண்டு தேர்வுக்கான தேதியை மாற்றம் செய்து முதல்-அமைச்சர் மு.க.ஸ்டாலின் உத்தரவிட்டுள்ளார்.
இதுதொடர்பாக நேற்று அவர் பிறப்பித்துள்ள உத்தரவில், ‘11-ந்தேதியன்று (இன்று) அரையாண்டு தேர்வுகள் தொடங்க இருக்கும் நிலையில், புத்தகங்கள் இல்லாமல் மாணவர்கள் தேர்வுக்கு படித்து தயாராக முடியாது என்ற நிலையினை கருத்தில்கொண்டு, அனைத்து மாவட்டங்களிலும் நாளை (இன்று) தொடங்கவிருக்கும் தேர்வுகளை 13-ந்தேதி (புதன்கிழமை) முதல் தொடங்க வேண்டும் என பள்ளிக்கல்வித்துறைக்கு அறிவுரைகள் வழங்கப்பட்டுள்ளன. பள்ளிக்கல்வித் துறையால் அரையாண்டுத் தேர்வுகளுக்கான புதிய கால அட்டவணையை வெளியிடப்படும்' என்று கூறியிருந்தார்.
புதிய அட்டவணை
முதல்-அமைச்சரின் உத்தரவின்படி, பள்ளிக்கல்வித் துறை நேற்று புதிய அட்டவணையை வெளியிட்டு இருக்கிறது. அதன்படி, 1 முதல் பிளஸ்-2 வகுப்பு வரையிலான மாணவ-மாணவிகளுக்கு 13-ந்தேதி தேர்வு தொடங்கி 22-ந்தேதியுடன் (வெள்ளிக்கிழமை) தேர்வு நிறைவு பெறும் வகையில் அட்டவணை தயாரிக்கப்பட்டுள்ளது.
இடையில், 16 (சனிக்கிழமை), 17 (ஞாயிற்றுக்கிழமை) மற்றும் 19 (செவ்வாய்க்கிழமை) -ந்தேதிகளை தவிர மற்ற அனைத்து நாட்களிலும் தேர்வுகள் நடத்தப்படுகின்றன. இதில் 19-ந்தேதியன்று 1 முதல் 3-ம் வகுப்புக்கு மட்டும் ஆங்கில பாடத்துக்கான தேர்வு நடத்தப்படுகிறது.
விடுமுறை
1 முதல் 5-ம் வகுப்பு மாணவர்களுக்கு காலை 10.30 மணி முதல் 12.30 மணி வரையிலும், 6 முதல் எஸ்.எஸ்.எல்.சி. வகுப்பு வரையிலான மாணவர்களுக்கு காலை 10 மணி முதல் 12 மணி வரையிலும், பிளஸ்-1 வகுப்புக்கு காலை 9.30 மணி முதல் பிற்பகல் 12.45 மணி வரையிலும், பிளஸ்-2 வகுப்புக்கு பிற்பகல் 1.15 மணியில் இருந்து மாலை 4.30 மணி வரையிலும் தேர்வு நடைபெற உள்ளது.
தேர்வு முடிந்ததும், 23-ந்தேதியில் (சனிக்கிழமை) இருந்து, அடுத்த ஆண்டு (2024) ஜனவரி 1-ந்தேதி (திங்கட்கிழமை) வரை அரையாண்டு தேர்வுக்கான விடுமுறை விடப்பட்டு, 2-ந்தேதி மீண்டும் பள்ளிகள் திறக்கப்பட வாய்ப்பு இருப்பதாக சொல்லப்படுகிறது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.