புதுக்கோட்டை அருகே சிறுவன் ஆசையாக தூக்கிய போது தண்ணீர் இருந்த வாளியில் தவறி விழுந்து ஒரு மாத பெண் குழந்தை பரிதாபமாக இறந்தது.
இந்த சம்பவம் குறித்து போலீஸ் தரப்பில் கூறியதாவது:-
வெல்டர்
புதுக்கோட்டை மாவட்டம் விராலிமலை ஒன்றியம், மண்டையூர் கீழமேடு பகுதியை சேர்ந்தவர் கமலேஷ் (வயது 23). இவர் அப்பகுதியில் உள்ள தனியார் தொழிற்சாலையில் வெல்டராக பணிபுரிந்து வருகிறார். இவரது மனைவி சுபலட்சுமி (23). இவர்களுக்கு 2 வயதில் ஒரு ஆண் குழந்தை உள்ளது. மீண்டும் கர்ப்பமான சுபலட்சுமிக்கு கடந்த ஒரு மாதத்திற்கு முன்பு அழகான பெண் குழந்தை பிறந்துள்ளது.
நேற்று காலை சுபலட்சுமி தனது வீட்டின் அருகே பாய் விரித்து குழந்தையை படுக்க வைத்து விட்டு துணி துவைத்து கொண்டு இருந்தார். பின்னர் துணியை உலர்த்துவதற்காக வீட்டின் பின்புறம் சென்றபோது அருகே விளையாடி கொண்டிருந்த அவரது 2 வயது மகன் ஆசையாக தனது தங்கையை தூக்கி உள்ளான். அப்போது வாளியில் இருந்த தண்ணீருக்குள் குழந்தை கைத்தவறி விழுந்துள்ளது.
பெண் குழந்தை சாவு
இதனைக்கண்டு அதிர்ச்சி அடைந்த சிறுவன் அலறினான். இதையடுத்து, சுபலட்சுமி ஓடி வந்து தண்ணீர் வாளியில் கிடந்த குழந்தையை தூக்கி பார்த்து போது மயங்கிய நிலையில் இருந்துள்ளது. இதனால் பதறிப்போன சுபலட்சுமி அப்பகுதி மக்களின் உதவியுடன் குழந்தையை தூக்கிக்கொண்டு மண்டையூர் அரசு ஆரம்ப சுகாதார நிலையத்திற்கு கொண்டு சென்றார். பின்னர் அங்கிருந்து ஆம்புலன்ஸ் மூலம் திருச்சி அரசு மருத்துவமனைக்கு அனுப்பி வைத்தனர். அங்கு குழந்தை பரிதாபமாக இறந்தது.
இந்த சம்பவம் குறித்து மண்டையூர் போலீசார் வழக்குப்பதிவு செய்து விசாரணை நடத்தி வருகின்றனர்.
சிறுவன் ஆசையாய் தூக்கியபோது கைத்தவறி தண்ணீர் இருந்த வாளியில் விழுந்து குழந்தை இறந்த சம்பவம் அப்பகுதி மக்களை சோகத்தில் ஆழ்த்தியது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.