பாம்பன் கடலில் கட்டப்பட்டு வரும் புதிய ரெயில் பாலத்தில் மின்கம்பங்கள் பொருத்தும் பணி தீவிரமாக நடந்து வருகிறது. இதற்காக 2 பெட்டிகளுடன் மின்கம்பங்கள் ஏற்றி வந்த சரக்கு ரெயிலை சுற்றுலா பயணிகள் ஆர்வமாக பார்வையிட்டனர்.
புதிய ரெயில் பாலம்
ராமநாதபுரம் மாவட்டம் பாம்பன் கடலில் ரூ.545 கோடி நிதியில் புதிதாக ரெயில் பாலம் கட்டும் பணி விறுவிறுப்பாக நடைபெற்று வருகிறது. புதிய பாலத்தில் 2 கிலோமீட்டர் தூரத்திற்கு முழுமையாக தூண்கள் அமைக்கும் பணிகள் முடிவடைந்துவிட்டன. மண்டபம் கடற்கரை பூங்கா எதிரே உள்ள பாலத்தின் நுழைவுப்பகுதியில் இருந்து மையப்பகுதி வரையிலும் தூண்கள் மீது இரும்பு கர்டர்கள் பொருத்தியும், அதன் மீது தண்டவாளங்கள் பொருத்தும் பணிகளும் முழுமையாக முடிந்துவிட்டன. மையப்பகுதியில் அமைய உள்ள சுமார் 700 டன் எடை கொண்ட தூக்குப்பாலத்தை பாம்பன் பாலத்தின் நுழைவு பகுதியில் இருந்து நகரும் கிரேன் மூலம் நகர்த்தும் பணி நடந்து வருகிறது.
இந்த நிலையில் புதிய ரெயில் பாலத்தின் ஓரப்பகுதிகளில், நடைபாதைகளில் மின் கம்பங்கள் பொருத்தும் பணி தற்போது தீவிரமாக நடந்து வருகிறது. இதற்காக என்ஜினுடன் சில பெட்டிகள் கொண்ட ரெயிலில் மின் கம்பங்கள் மண்டபம் பகுதிக்கு கொண்டுவரப்பட்டன.
மின்கம்பங்கள் அமைக்கும் பணி
மண்டபத்தில் இருந்து தொடங்கும் புதிய ரெயில் பாலத்தின் நுழைவுப்பகுதியில் இருந்து மின்கம்பங்களுடன் அந்த சரக்கு ரெயிலானது பின்னோக்கியப்படியே இயக்கப்பட்டது.. தொடர்ந்து பாலத்தின் ஒவ்வொரு இடத்திலும் சரக்கு ரெயில் மீது அமைக்கப்பட்டுள்ள கிரேன் மூலம் மின் கம்பங்கள் இறக்கப்பட்டு பாலத்தில் பொருத்தும் பணிகள் நடக்கின்றன.
இதுகுறித்து ரெயில்வே உயர் அதிகாரி ஒருவர் கூறும்போது, பாம்பன் கடலில் கட்டப்பட்டு வரும் 2 கிலோமீட்டர் நீளமுடைய புதிய ரெயில் பாலத்தில் மொத்தம் 100 மின்கம்பங்கள் அமைக்கப்பட உள்ளன. மண்டபம் பகுதியில் இருந்து மையப்பகுதி வரையிலும் 76 மின்கம்பங்கள் அமையவுள்ளன.
இதில் 60 மின்கம்பங்கள் அமைக்கும் பணி முடிந்துவிட்டது. மீதமுள்ள 16 மின்கம்பங்கள் அமைக்கும் பணி இன்றுடன் முடிவடைந்து விடும். மற்ற மின்கம்பங்கள் மையப்பகுதியில் தூக்குப்பாலம் அமைக்கப்பட்ட பின்பு பொருத்தப்படும். ஒவ்வொரு மின்கம்பமும் 20 மீட்டர் இடைவெளியில் அமைக்கப்பட்டு வருகின்றன. வருங்காலத்தில் மின்சார ரெயில்களும் செல்லும் வகையில் மின் கம்பங்கள் பொருத்தப்பட்டு வருகின்றன.
இவ்வாறு அவர் கூறினார்.
இதற்கிடையே புதிய ரெயில் பாலத்தில் சரக்கு ரெயில் முன்னும் பின்னும் சென்றதை பாம்பன் ரோடு பாலத்தில் நின்றபடி சுற்றுலா பயணிகள் ஆர்வமுடன் பார்வையிட்டனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.