தேக்காட்டூர் ஊராட்சியை புதுக்கோட்டை மாநகராட்சியுடன் இணைப்பதை கண்டித்து கிராமமக்கள் மறியலில் ஈடுபட்டனர்.
ஆர்ப்பாட்டம்
புதுக்கோட்டை நகராட்சியை மாநகராட்சியாக அறிவித்து கடந்த சில மாதங்களுக்கு முன்பாக தமிழ்நாடு அரசு அரசாணை வெளியிட்டது. இதனை தொடர்ந்து பல்வேறு கிராமங்களை சேர்ந்த மக்கள் புதுக்கோட்டை மாநகராட்சியோடு கிராமங்களை இணைக்க கூடாது என வலியுறுத்தி வருகின்றனர்.
இந்நிலையில் புதுக்கோட்டை மாவட்டம், அரிமளம் ஒன்றியம் தேக்காட்டூர் ஊராட்சியை மாநகராட்சியோடு இணைக்க கூடாது என வலியுறுத்தி நமணசமுத்திரம் அருகில் பொதுமக்கள் கண்டன ஆர்ப்பாட்டத்தில் ஈடுபட்டனர். தேக்காட்டூர் ஊராட்சியை மாநகராட்சியோடு இணைப்பதால் வீட்டு வரி, தொழில் வரி உள்ளிட்ட வரிகள் அதிகமாகும். மேலும் தேசிய ஊரக வேலைவாய்ப்பு உறுதி அளிப்பு திட்டம் பறிபோகும் என ஆர்ப்பாட்டத்தில் ஈடுபட்ட பொதுமக்கள் தெரிவித்தனர்.
சாலை மறியல்
இதையடுத்து தேக்காட்டூர் ஊராட்சி கிராமமக்கள் திருச்சி- ராமேசுவரம் தேசிய நெடுஞ்சாலையில் மறியலில் ஈடுபட்டனர். இதுகுறித்து தகவல் அறிந்த நமணசமுத்திரம் போலீசார் சம்பவ இடத்திற்கு விரைந்து வந்து மறியலில் ஈடுபட்டவர்களிடம் பேச்சுவார்த்தை நடத்தினர். அப்போது கிராமமக்களுக்கும், போலீசாருக்கும் இடையே தள்ளு-முள்ளு ஏற்பட்டது. இதையறிந்த துணை போலீஸ் சூப்பிரண்டு ஜூலியட் சீசர் மற்றும் திருமயம் தாசில்தார் புவியரசன் ஆகியோர் சம்பவ இடத்திற்கு விரைந்து வந்தனர். பின்னர் மறியலில் ஈடுபட்டவர்களிடம் பேச்சுவார்த்தை நடத்தினர். அப்போது பேச்சுவார்த்தையில் உடன்பாடு ஏற்பட்டதையடுத்து மறியலில் ஈடுபட்டவர்கள் மறியலை கைவிட்டு அங்கிருந்து கலைந்து சென்றனர். மேலும் வருகிற நாடாளுமன்ற தேர்தலில் தேக்காட்டூர் ஊராட்சியை சார்ந்த கிராமமக்கள் வாக்களிக்காமல் தேர்தல் புறக்கணிப்பு செய்ய போவதாகவும் கூறினர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.