அாிய வகை உயிரினங்கள்
தஞ்சை மாவட்டம், தம்பிக்கோட்டை வடகாடு முதல் குப்பத்தேவன் கிராமம் வரை 45 கிலோ மீட்டர் தூரத்துக்கு, 32 மீனவ கிராமங்கள் உள்ளன. இந்த கிராமங்களில் உள்ள ஆயிரக்கணக்கான மீனவர்கள், விசைப்படகு, நாட்டுப்படகு மூலம் கடலில் மீன் பிடிக்க சென்று வருகின்றனர்.
இந்நிலையில் கடலில் உள்ள அரிய வகை உயிரினங்களான கடற்பசு, ஆமைகள், கடல் அட்டைகள் உள்ளிட்ட உயிரினங்கள் மீனவர்களின் வலைகளில் சிக்கினால் அவற்றை மீண்டும் கடலில் விடுமாறு மாவட்ட வனத்துறையினர் அவ்வப்போது மீனவர்கள் மத்தியில் கூறி விழிப்புணர்வை ஏற்படுத்தி வருகின்றனர்.
அபூர்வ வகை கடல் ஆமை
கடந்த 2 நாட்களுக்கு முன்பாக மல்லிப்பட்டினம் கடற் பகுதியில், சின்னமனை மீனவ கிராமத்தை சேர்ந்த பாலமுருகன், சுரேஷ், சத்யராஜ் ஆகியோர் படகில் மீன் பிடித்தபோது அவர்களது வலையில் சுமார் 5 கிலோ எடை கொண்ட அபூர்வ வகை கடல் ஆமை சிக்கியது.
மீன் வலையை கரைக்கு கொண்டு வந்து பார்த்தபோது, அதில் ஆமை இருந்தது தெரியவந்தது. இதையடுத்து அந்த ஆமையை மீனவர்கள் மீண்டும், கடலில் விட்டனர்.
இதைப்போல சோமநாதன்பட்டினம் கிராமத்தை சேர்ந்த முத்துராஜ், கமல், வீரமணி, சூர்யா, அண்ணாநகர் புதுத்தெருவைச் சேர்ந்த மதன்ராஜ், முத்துராஜா, புதுப்பட்டினம் மீனவ கிராமத்தைச் சேர்ந்த ஜான், பால்சாமி, சக்தி ஆகியோர் சென்ற படகிலும் ஆமைகள் வலைகளில் சிக்கின. இந்த ஆமைகளையும் மீனவர்கள் கடலில் விட்டனர்.
பாராட்டு சான்றிதழ்
இதுகுறித்த வீடியோ பதிவு வனத்துறையினருக்கு அனுப்பி வைக்கப்பட்டது. இது குறித்து பட்டுக்கோட்டை வனச்சரகர் சந்திரசேகரன் கூறியதாவது:-
தஞ்சாவூர் மாவட்ட கடற்கரை பகுதிகளில் உள்ள மீனவர்கள் மத்தியில் அரியவகை கடல் உயிரினங்களை பாதுகாப்பது தொடர்பாக வனத்துறை மூலம் விழிப்புணர்வை ஏற்படுத்தி வருகிறோம். கடந்த 2 நாட்களுக்கு முன்பு கடலில் உள்ள ஆமைகள் மீனவர்களின் வலையில் சிக்கின. இந்த ஆமைகளை மீனவா்கள் கடலில் விட்டனர். இந்த தகவல் மாவட்ட வன அலுவலர் அகில்தம்பிக்கு அனுப்பி வைக்கப்பட்டது. இவர்களுக்கு வனத்துறை சார்பில் அடுத்த மாதம் நடைபெற உள்ள கடற்பசு தினத்தில் ஊக்கத் தொகை மற்றும் பாராட்டுச் சான்றிதழ் வழங்கப்பட உள்ளது. இவ்வாறு அவர் கூறினார்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.