கலை, அறிவியல் கல்லூரிகள் கட்டண விவரத்தை வெளியிட வேண்டும் உயர்கல்வித்துறை உத்தரவு

தனியார் கல்லூரிகள் உள்பட அனைத்து கலை, அறிவியல் கல்லூரிகளும் கல்வி கட்டணத்தை இணையதளத்தில் வெளியிட வேண்டும் என்று உயர்கல்வித்துறை உத்தரவிட்டுள்ளது.

மாணவர் சேர்க்கை

தமிழகத்தில் பிளஸ்-2 பொதுத்தேர்வு முடிவுகள் கடந்த 6-ந்தேதி வெளியானது. அதன்பிறகு, அரசு மற்றும் அரசு உதவிப்பெறும் கல்லூரிகள், தனியார் கல்லூரிகளில் 2024-25-ம் கல்வியாண்டுக்கான மாணவர் சேர்க்கை விண்ணப்பப்பதிவு நடைபெற்று வருகிறது.

இந்த நிலையில், அனைத்து வகை கலை மற்றும் அறிவியல் கல்லூரிகளும் தங்கள் கல்லூரி கட்டணத்தை இணையதளத்தில் பதிவேற்றம் செய்யவேண்டும் என்று உயர்கல்வித்துறை உத்தரவிட்டுள்ளது.

கல்லூரி கட்டணம்

இதுதொடர்பாக, உயர்கல்வித்துறை முதன்மை செயலாளர் கார்த்திக், பிறப்பித்துள்ள உத்தரவில் கூறப்பட்டிருப்பதாவது:-

தமிழகத்தில் உள்ள அரசு, அரசு உதவிபெறும், தனியார் கலை மற்றும் அறிவியல் கல்லூரிகளில், 2024-25-ம் கல்வியாண்டில் இளங்கலை, முதுகலை மாணவர்கள் சேர்க்கை இணையதளத்தின் மூலம் நடத்தப்பட வேண்டும். தனியார் கல்லூரிகள் உள்பட அனைத்து வகை கல்லூரிகளும் தங்களின் கல்லூரி கட்டணத்தை, மாணவர் சேர்க்கையின் விளக்க குறிப்பேட்டில் இடம் பெற செய்யவேண்டும். மேலும், www.tngasa.in. என்ற இணையதளத்திலும் கல்வி கட்டணத்தை பதிவேற்றம் செய்ய வேண்டும். மாணவர் சேர்க்கைக்கேன மூத்த பேராசிரியர்கள் கொண்ட குழு அமைக்கப்பட வேண்டும். மாணவர் சேர்க்கையின்போது, இடஒதுக்கீடு முறைகள் 100 சதவீதம் பின்பற்றப்பட வேண்டும். தனியார் கல்லூரிகள், சுயநிதி சேர்க்கைக்கான மாணவர் சேர்க்கை நடத்துவதற்கு முன்பாக, அரசு ஒதுக்கீடு இடங்களுக்கான மாணவர் சேர்க்கையை நடத்த வேண்டும்.

தரவரிசை பட்டியல்

மாணவர் சேர்க்கையில் விதிமீறல்கள் கண்டறியப்பட்டால், கல்லூரி முதல்வர்களும், மாணவர் சேர்க்கை குழுவும் அதற்கு முழு பொறுப்பு. மாணவர் சேர்க்கைக்கான தரவரிசை பட்டியல் 400 மதிப்பெண்களுக்கு தயார் செய்யவேண்டும். தரவரிசை பட்டியல் மற்றும் இடஒதுக்கீடு அடிப்படையில் மாணவர் சேர்க்கை நடத்தப்பட வேண்டும். தரவரிசை பட்டியல் விவரங்களை, மாணவர்களுக்கு எஸ்.எம்.எஸ் வாயிலாகவும், இ-மெயில் முகவரி மூலமும் கல்வி நிறுவனங்கள் அனுப்ப வேண்டும். மேலும், கல்லூரி கல்வி இயக்ககத்தின் www.tngasa.in என்ற இணையதளத்திலும் வெளியிட வேண்டும்.

இவ்வாறு அதில் கூறப்பட்டுள்ளது.

எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...

Facebook: https://www.facebook.com/GpmMedia/

Twitter: https://twitter.com/GpmMedia

Instagram: https://www.instagram.com/gpmmedia/

Youtube: https://www.youtube.com/c/GpmMedia

புதுக்கோட்டை மாவட்ட செய்திகளை வாட்ஸ் அப்பில் தெரிந்து கொள்ள எங்களது GPM மீடியா குழுமத்தில் இணைந்து கொள்ளுங்கள்... (கிளிக்) 

புதுக்கோட்டை மாவட்ட செய்திகளை டெலி கிராமில் தெரிந்து கொள்ள எங்களது GPM மீடியா குழுமத்தில் இணைந்து கொள்ளுங்கள்..(கிளிக்)