அறந்தாங்கி அருகே மின்சாரம் பாய்ந்து பலியான வாலிபரின் குடும்பத்துக்கு இழப்பீடு வழங்கக்கோரி உறவினர்கள் மறியலில் ஈடுபட்டனர். இதனால் அப்பகுதியில் 1 மணி நேரம் போக்குவரத்து பாதிக்கப்பட்டது.
மின்சாரம் பாய்ந்து உயிரிழப்பு
அறந்தாங்கி அருகே செவிடங்காடு கிராமத்தை சேர்ந்தவர் குழந்தைசாமி. இவருடைய மகன் விஜய் ஆனந்த் (வயது 28), கூலி தொழிலாளி. இவர் நேற்று முன்தினம் இடையன்காடு கிராமத்தை சேர்ந்த சுல்தான் என்பவருடைய வீட்டின் கட்டுமான பணிக்கு சென்றார். அங்கு விஜய் ஆனந்த் கடப்பாரையால் பள்ளம் தோண்டியுள்ளார். அப்போது தரைப்பகுதி வழியாக சென்ற மின்சார ஒயரில் கடப்பாரைபட்டது.
இதில் மின்சாரம் பாய்ந்து தூக்கி வீசப்பட்ட விஜய் ஆனந்தை சக தொழிலாளர்கள் மீட்டு அறந்தாங்கி அரசு மருத்துவமனைக்கு கொண்டு சென்றனர். அங்கு அவரை பரிசோதனை செய்த டாக்டர்கள் விஜய் ஆனந்த் ஏற்கனவே இறந்து விட்டதாக தெரிவித்தனர்.
சாலை மறியல்
இந்த சம்பவம் குறித்து ஆவுடையார்கோவில் போலீசார் வழக்குப்பதிவு செய்து விசாரணை நடத்தி வருகின்றனர். இந்த நிலையில் மின்சாரம் பாய்ந்து இறந்த வாலிபரின் குடும்பத்துக்கு இழப்பீடு வழங்கக்கோரி இந்திய கம்யூனிஸ்டு கட்சியின் மாவட்ட செயலாளர் ராஜேந்திரன் தலைமையில் விஜய் ஆனந்த் பெற்றோர் மற்றும் உறவினர்கள் 150-க்கும் மேற்பட்டோர் அறந்தாங்கி அரசு மருத்துவமனை முன்பாக பட்டுக்கோட்டை சாலையில் அமர்ந்து மறியலில் ஈடுபட்டனர். இதனால் அப்பகுதியில் வாகனங்கள் செல்ல முடியாத நிலை ஏற்பட்டது.
இதுகுறித்து தகவல் அறிந்த அறந்தாங்கி போலீஸ் துணை சூப்பிரண்டு சண்முகசுந்தரம், அறந்தாங்கி தாசில்தார் திருநாவுக்கரசு ஆகியோர் சம்பவ இடத்துக்கு விரைந்து சென்று மறியலில் ஈடுபட்டவர்களிடம் பேச்சுவார்த்தை நடத்தினர். இதில், உடன்பாடு ஏற்பட்டதால் அவர்கள் மறியலை கைவிட்டு அங்கிருந்து கலைந்து சென்றனர்.
இந்த சம்பவம் காரணமாக அப்பகுதியில் 1 மணி நேரம் போக்குவரத்து பாதிக்கப்பட்டது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.