லாந்தையில் ரூ.17 கோடியில் ரெயில்வே மேம்பாலம் கட்டப்படுகிறது. சுரங்கப்பாதை பணிக்கு கிராம மக்கள் ஒத்துழைப்பு வழங்க வேண்டும் என கோட்ட ரெயில்வே மேலாளர் வேண்டுகோள் விடுத்து உள்ளார்.
ரூ.17 கோடியில் ரெயில்வே மேம்பாலம்
மதுரை கோட்ட ரெயில்வேக்கு உள்பட்ட ராமநாதபுரம் மாவட்டத்தில் உள்ள திருப்புல்லாணி அருகே லாந்தை கிராமத்தில் ரெயில்வே மேம்பாலம் கட்டப்பட்டு வருகிறது. இதற்காக ரூ.17 கோடியே 32 லட்சம் நிதி ஒதுக்கப்பட்டுள்ளது. இந்த மேம்பாலத்துக்கு அருகே சுரங்கப்பாதை பணிகள் நடந்து வந்தது.
அதாவது, மானாமதுரை-ராமேசுவரம் பிரிவில் சத்திரக்குடி-ராமநாதபுரம் ரெயில் நிலையங்களுக்கு இடையே ரெயில் விபத்துகளை தவிர்க்க கடந்த 2016-ம் ஆண்டு லாந்தை கிராமம் அருகே சுரங்கப்பாதை அமைக்க கோட்ட நிர்வாகம் முயற்சி மேற்கொண்டது. இந்த சுரங்கப்பாதை 4.5 மீட்டர் அகலமும், 3.6 மீட்டர் உயரமும் கொண்டதாக அமைக்கப்பட இருந்தது.
கிராம மக்கள் போராட்டம்
தொடர்ந்து, சுரங்கப்பாதைக்கான சதுர கான்கிரீட் தூண்கள் 2019-ம் ஆண்டு பொருத்தப்பட்டு, தேசிய நெடுஞ்சாலையில் இருந்து இணைப்பு சாலையும் அமைக்கப்பட்டது. 50 சதவீதத்துக்கும் மேற்பட்ட பணிகள் முடிந்த நிலையில், சுரங்கப்பாதையை பயன்படுத்த எதிர்ப்பு தெரிவித்து கிராம மக்கள் போராட்டத்தில் ஈடுபட்டனர். இதனால் அந்த பணிகள் பாதியில் நிறுத்தி வைக்கப்பட்டது.
அதேசமயத்தில், சுரங்கப்பாதையில் மழைக்காலங்களில் தேங்கும் தண்ணீரை வெளியேற்றுவதற்கான பணிகள் முடிந்தன. இருப்பினும் மழைக்காலம் தொடங்குவதற்கு முன்னதாக, சுரங்கப்பாதையில் தேங்கும் மழைநீரை வெளியேற்ற தேவையான குழாய்கள் பதிப்பது, லாந்தை கிராம பகுதியில் இணைப்பு சாலை, சுற்றுச்சுவர் கட்டுதல், இணைப்புச்சாலை ஓரங்களில் சிறிய அளவிலான மழைநீர் வடிகால் அமைப்பது, மழைநீர் சேகரிப்பு கிணறு அமைப்பது, தண்ணீரை ரெயில்வே பாலத்திற்கு கொண்டு செல்வது, சுரங்கப்பாதை முகப்பு பகுதியில் மேற்கூரை அமைப்பது உள்ளிட்ட பணிகள் நடக்க உள்ளன. இந்த பணிகளை கோட்ட மேலாளர் சரத் ஸ்ரீவஸ்தவா நேரில் ஆய்வு செய்தார்.
மக்கள் ஒத்துழைக்க வேண்டும்
இதுகுறித்து அவர் கூறும்போது, சுரங்கப்பாதை பணிக்காக ரூ.1 கோடியே 73 லட்சம் செலவிடப்பட்டுள்ளது. இது தவிர மழைக்கால தடுப்பு நடவடிக்கைகள் மேற்கொள்ளப்பட உள்ளன. இருப்பினும், ரெயில்வே சார்பில் ரூ.17 கோடி செலவில் மேம்பாலமும் கட்டப்பட உள்ளது. ரெயில்வே மேம்பாலத்துடன் கூடுதலாக சுரங்கப்பாதை பணிகளும் முடிந்தால் மழைக்காலத்தில் கிராம மக்கள் சிரமமின்றி ரெயில் பாதையை கடந்து செல்ல முடியும். எனவே, சுரங்கப்பாதைப் பணிகளை விரைவில் முடிப்பதற்கான ஒத்துழைப்பை லாந்தை கிராம மக்கள் வழங்க வேண்டும் என்றார்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.