புதுக்கோட்டை மாவட்டம், மணமேல்குடி அருகே ராஜா தோப்பு பகுதியை சேர்ந்தவர்கள் அந்தோணி சேவியர் (வயது 45), பாஸ்கர் (44). இவர்கள் நேற்று முன்தினம் நாட்டுப்படகில் மீன்பிடிக்க கடலுக்கு சென்றனர். கடலில் 8 நாட்டிக்கல் தொலைவில் மீன்பிடித்துக் கொண்டிருந்தபோது படகு திடீரென பழுதாகி நின்றது.
இதையடுத்து அந்தோணி சேவியர் படகினை பழுதுபார்க்க படகின் ஓரத்திற்கு சென்றபோது நிலைதடுமாறி கடலில் விழுந்து மூழ்கினார். இவரை காப்பாற்ற முயன்ற பாஸ்கரும் கடலில் விழுந்து தத்தளித்தார்.
அப்போது அந்த வழியே மீன்பிடித்து திரும்பிய மீனவர்கள் பாஸ்கரை காப்பாற்றி படகில் ஏற்றினர். பின்னர் அவர்கள் கடலில் மூழ்கிய அந்தோணி சேவியரையும் தேடி பார்த்தனர். அவர்களால் கண்டுபிடிக்க முடியாமல் கரைக்கு திரும்பினர்.
பின்னர் இதுகுறித்து மணமேல்குடி கடலோர பாதுகாப்பு குழும போலீசாரிடம் தகவல் தெரிவித்தனர். இதற்கிடையே பாஸ்கரை அறந்தாங்கி அரசு மருத்துவமனையில் சிகிச்சைக்காக அனுமதித்தனர்.
தகவலின் பேரில் போலீஸ் இன்ஸ்பெக்டர் கோபால் மற்றும் போலீசாருடன் கடலுக்கு சென்று அந்தோணி சேவியரை தேடி பார்த்தனர். இதற்கிடையில் கடலில் மூழ்கிய அந்தோணி சேவியர் உடல் புதுக்குடி கடற்கரையோரம் மிதந்துள்ளது.
இதையடுத்து அந்தோணி சேவியர் உடலை போலீசார் மீட்டு கரைக்கு கொண்டு வந்தனர். பின்னர் போலீசார் அந்தோணி சேவியர் உடலை பிரேத பரிசோதனைக்காக மணமேல்குடி அரசு மருத்துவமனைக்கு அனுப்பி வைத்தனர்.இதுகுறித்து மணமேல்குடி கடலோர பாதுகாப்பு குழும போலீசார் வழக்குப்பதிவு செய்து விசாரணை நடத்தி வருகின்றனர். மணமேல்குடியில், கடலில் மீன்பிடித்து கொண்டிருந்த போது நாட்டுப்படகில் இருந்து தவறி விழுந்து மீனவர் பலியான சம்பவம் அப்பகுதியில் சோகத்தை ஏற்படுத்தி உள்ளது.
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.