தமிழக முதல்வர் மு.க. ஸ்டாலின் அவர்களின் 73-வது பிறந்தநாளை முன்னிட்டு, புதுக்கோட்டை மாவட்டம் ஆவுடையார்கோவில் ஒன்றியம், பெருநாவலூர் ஊராட்சிக்குட்பட்ட பரமந்தூர் ஊராட்சி ஒன்றிய நடுநிலைப்பள்ளியில் 'புன்னகை அறக்கட்டளை' சார்பில் நெகிழி ஒழிப்பு விழிப்புணர்வு மற்றும் மரக்கன்றுகள் நடும் விழா நடைபெற்றது.
விழிப்புணர்வு பேரணி மற்றும் மரக்கன்றுகள் நடுதல்
இந்த நிகழ்ச்சிக்கு பள்ளியின் தலைமையாசிரியர் எஸ்.நல்லமுகமது தலைமை தாங்கினார். புன்னகை அறக்கட்டளையின் நிறுவனத் தலைவர் ஆ.சே.கலைபிரபு முன்னிலை வகித்தார். சிறப்பு அழைப்பாளராகப் பங்கேற்ற ஆவுடையார்கோவில் வனவர் ஜெயராஜ், மாணவ-மாணவிகளுக்குப் பல்வேறு வகையான மரக்கன்றுகளை வழங்கி நிகழ்ச்சியைத் தொடங்கி வைத்தார். அதனைத் தொடர்ந்து, பள்ளி வளாகத்தில் மரக்கன்றுகள் நடப்பட்டன.
நெகிழி ஒழிப்பு உறுதிமொழி
நிகழ்ச்சியில் "மீண்டும் மஞ்சப்பை" திட்டத்தின் முக்கியத்துவம் குறித்து விளக்கப்பட்டது. "வருங்காலத் தலைமுறைக்காகவும், இந்த மண்ணைக் காக்கவும் கடைகளுக்குச் செல்லும்போது துணிப்பைகளைப் பயன்படுத்துவோம்; நெகிழியைத் தவிர்ப்போம்" எனப் பெற்றோர்கள் மற்றும் மாணவர்கள் மத்தியில் விழிப்புணர்வு ஏற்படுத்தப்பட்டது. மேலும், தமிழகத்தின் மாநில மரமான பனை மரத்தைப் பாதுகாக்கவும், சுற்றுச்சூழலை மேம்படுத்தவும் அனைவரும் ஒத்துழைக்க வேண்டும் என வலியுறுத்தப்பட்டது.
நிகழ்ச்சியின் நிறைவாக மாணவ-மாணவிகளுக்கு இனிப்புகள் வழங்கப்பட்டன. இதில் பள்ளி ஆசிரியர்கள் செல்வராஜ், சண்முகசுந்தரம், மேரிகொன்சிலியா, மனோன்மணி, பிரேமா மற்றும் புன்னகை அறக்கட்டளையின் பொதுக்குழு உறுப்பினர் (கமலகுடி) விக்னேஷ் ஆகியோர் பங்கேற்றனர். மேலும், பள்ளி மேலாண்மைக் குழு உறுப்பினர்கள் மற்றும் பொதுமக்கள் திரளாகக் கலந்துகொண்டு சிறப்பித்தனர்.
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.