ஆவுடையார்கோவில், மணமேல்குடி ஒன்றிய அளவில் நியூ சங்கீத் பள்ளி முதலிடம்: 12-ஆம் வகுப்பு பொதுத்தேர்வில் 100% தேர்ச்சி!

2025-26 ஆம் கல்வியாண்டுக்கான 12-ஆம் வகுப்பு அரசு பொதுத்தேர்வு முடிவுகளில், மீமிசல் நியூ சங்கீத் மெட்ரிக் மேல்நிலைப்பள்ளி ஆவுடையார்கோவில் மற்றும் மணமேல்குடி ஒன்றிய அளவில் முதலிடம் பிடித்து வரலாற்றுச் சாதனை படைத்துள்ளது.

தொடரும் சாதனைப் பயணம்

ஒவ்வொரு ஆண்டும் கல்வியில் சிறந்து விளங்கும் இப்பள்ளி, இந்தாண்டும் தனது பெருமையை நிலைநாட்டும் வகையில் நூறு சதவீத (100%) தேர்ச்சியைப் பதிவு செய்துள்ளது. இப்பள்ளியில் பயின்ற மாணவி V. திவ்யதர்ஷினி 586 மதிப்பெண்கள் பெற்று முதலிடத்தைப் பிடித்துள்ளார். அவருக்கு அடுத்தபடியாக K. ஹாஜரா தில்ஷா 574 மதிப்பெண்களும், A. சித்தி ஆஷிகா 572 மதிப்பெண்களும் பெற்று பள்ளிக்கு பெருமை சேர்த்துள்ளனர்.

மேலும், மாணவி R.தர்மரக்ஷினி 556 மதிப்பெண்களும், R.ஸ்ரீ ஹரினி 550 மதிப்பெண்களும் பெற்று சிறப்பிடம் பெற்றுள்ளனர். குறிப்பாக, கணக்குப் பதிவியல் பாடத்தில் மாணவி அ.சுகா 100-க்கு 100 மதிப்பெண்கள் எடுத்து சாதனை படைத்துள்ளார்.

பாடவாரியான சிறப்புகள்

பள்ளி அளவில் 550 மதிப்பெண்களுக்கு மேல் 5 மாணவர்களும், 500 மதிப்பெண்களுக்கு மேல் 19 மாணவர்களும் பெற்றுள்ளனர். பாடவாரியாக 90-க்கும் மேற்பட்ட மதிப்பெண்களை தமிழில் 31 பேரும், ஆங்கிலத்தில் 09 பேரும், கணக்குப் பதிவியல் மற்றும் கணினி பயன்பாடுகளில் தலா 06 பேரும் பெற்று அசத்தியுள்ளனர்.

வெற்றி பெற்ற மாணவிகளையும், அவர்களின் வெற்றிக்கு உறுதுணையாக இருந்த ஆசிரியர்களையும் பள்ளி நிர்வாகத்தினர் பாராட்டி வாழ்த்துகளைத் தெரிவித்தனர். தரமான கல்வியைத் தாரக மந்திரமாகக் கொண்டு செயல்படும் இப்பள்ளியில், தற்போது LKG முதல் பிளஸ் 2 வகுப்பு வரை மாணவர் சேர்க்கை நடைபெற்று வருவதாகத் தெரிவிக்கப்பட்டுள்ளது.

 

எங்களுடன் இணைந்திருங்கள்

எங்களுடைய செய்திகளை உடனுக்குடன் தெரிந்து கொள்ள பின்தொடருங்கள்:

Facebook Twitter (X) Instagram YouTube

---

WhatsApp குழுவில் சேர Telegram குழுவில் சேர