தினசரி ஆயிரக்கணக்கான பயணிகள் வந்து செல்லும் இந்த பேருந்து நிலையத்தின் மேல் கூரையில் (Roofing), பெருமளவில் சிலந்தி மற்றும் அடையாளம் தெரியாத விஷப் பூச்சிகளின் கூடுகள் மண்டிப் போயுள்ளன.
பேருந்திற்காக பயணிகள் காத்திருக்கும் இருக்கைகளுக்கு நேர் மேலே இந்தக் கூடுகள் அமைந்துள்ளன. இதனால், கூடுகளில் இருந்து பூச்சிகளும், அவற்றின் கழிவுகளும் கீழே அமர்ந்திருக்கும் பயணிகளின் தலை மற்றும் உடல்களின் மீது அடிக்கடி விழுகின்றன.
பரவும் தொற்றுநோய் – பயணிகள் வேதனை
பூச்சிகள் உடலில் விழுவதால் பயணிகளுக்கு கடுமையான உடல் அரிப்பு, அலர்ஜி (Allergy) மற்றும் தடிப்புகள் ஏற்படுகின்றன. குறிப்பாக, முதியவர்கள் மற்றும் குழந்தைகள் இதனால் பெரும் அவதிக்குள்ளாகி வருகின்றனர். இது சாதாரண அரிப்போடு நிற்காமல், சிலருக்கு தொற்றுநோய் பாதிப்பை ஏற்படுத்தும் அபாயத்தையும் உருவாக்கியுள்ளது.
சமூக ஆர்வலர்கள் குற்றச்சாட்டு
"இதுகுறித்து சம்பந்தப்பட்ட உள்ளாட்சி நிர்வாகத்திடமும், அதிகாரிகளிடமும் பலமுறை புகார் அளித்தும் இதுவரை எந்தவொரு தூய்மைப் பணியும் மேற்கொள்ளப்படவில்லை; அதிகாரிகள் அலட்சியமாகவே செயல்படுகின்றனர்" என இப்பகுதியைச் சேர்ந்த சமூக ஆர்வலர்கள் வேதனையுடன் தெரிவிக்கின்றனர்.
பொதுமக்கள் கோரிக்கை
பொதுமக்களின் சுகாதாரத்தைப் பாதிக்கும் இந்த முக்கியப் பிரச்சினைக்கு உடனடியாகத் தீர்வு காண வேண்டும் என கோரிக்கை எழுந்துள்ளது.
புதிதாகப் பொறுப்பேற்றுள்ள மாவட்ட ஆட்சியர் அவர்கள் இந்த விவகாரத்தில் உடனடியாகத் தலையிட்டு, பேருந்து நிலையக் கூரையை முழுமையாகத் தூய்மைப்படுத்தவும், பூச்சிக்கொல்லி மருந்துகளைத் தெளிக்கவும் ஊராட்சி நிர்வாகத்திற்கு உத்தரவிட வேண்டும் என மீமிசல் பகுதி மக்கள் மற்றும் பயணிகள் கோரிக்கை விடுத்துள்ளனர்.
எங்களுடன் இணைந்திருங்கள்
எங்களுடைய செய்திகளை உடனுக்குடன் தெரிந்து கொள்ள பின்தொடருங்கள்:
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.