புதுக்கோட்டை மாவட்ட ஆட்சியர் அலுவலகத்தில் திங்கள்கிழமை நடைபெற்ற மக்கள் குறைகேட்பு நாள் கூட்டத்தில் பொதுமக்களிடமிருந்து 367 மனுக்கள் பெறப்பட்டன. அந்த மனுக்கள் மீது உரிய நடவடிக்கை எடுத்து அதுகுறித்த விவரங்களை மனுதாரர்களுக்கு தெரிவிக்க வேண்டும் என்று அதிகாரிகளிடம் மாவட்ட ஆட்சியர் பி. உமாமகேஸ்வரி அறிவுறுத்தினார்.
இந்தக் கூட்டத்தின்போது, குழந்தைத் தொழிலாளர் முறை ஒழிப்பு விழிப்புணர்வுக்காக பள்ளிகள் அளவில் மாவட்டம் முழுவதும் நடத்தப்பட்ட கட்டுரை, பேச்சு மற்றும் ஓவியப் போட்டிகளில் வென்ற மாணவ, மாணவிகளுக்கு பரிசுகளும், சான்றிதழ்களையும் ஆட்சியர் வழங்கினார்.
கூட்டத்தில், மாவட்ட வருவாய்அலுவலர் சாந்தி, மாவட்ட ஊரக வளர்ச்சி முகமைத் திட்ட இயக்குநர் மாலதி உள்ளிட்டோரும் பங்கேற்றனர்.
பேட்டரி கார் இயக்கம் தொடக்கம்: புதுக்கோட்டை மாவட்ட ஆட்சியர் அலுவலக வளாகத்துக்கு வாரந்தோறும் மக்கள் குறைகளைத் தெரிவிக்க வரும்போது, முதியோர் மற்றும் மாற்றுத் திறனாளிகளை வாயிலில் இருந்து உள்ளே அழைத்து வரவும், மீண்டும் வாயிலுக்கு அழைத்துச் செல்லவும் வசதியாக பேட்டரி கார் ஒன்று திங்கள்கிழமை இயக்கி வைக்கப்பட்டது. மாவட்ட மக்கள் நல்வாழ்வுத் துறை அமைச்சர் சி. விஜயபாஸ்கர் இதனை இயக்கி வைத்தார். மாவட்ட ஆட்சியர் உள்ளிட்டோரும் இதில் பங்கேற்றனர்.
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.