இதுகுறித்து அவர் மேலும் கூறியது: அனைத்து அரசுக் கல்லூரிகள் மற்றும் அரசு உதவி பெறும் கல்லூரிகளில் பயிலும் மாணவ, மாணவிகளிடம் தமிழில் பேச்சாற்றலையும் படைப்பாற்றலையும் வளர்க்கும் நோக்கில் புதுக்கோட்டை மாவட்ட அளவிலான கவிதை, கட்டுரை, பேச்சுப் போட்டிகள் தனித்தனியே தமிழ் வளர்ச்சித் துறையால் நடத்தப்படவுள்ளன.
வெற்றிபெறும் மாணவ மாணவிகளுக்கு ஒவ்வொரு பிரிவிலும் முதல் நிலைக்கு ரூ.10 ஆயிரம், இரண்டாம் நிலைக்கு ரூ.7 ஆயிரம், மூன்றாம் நிலைக்கு ரூ.5 ஆயிரம் பரிசுத் தொகை சான்றிதழ் வழங்கப்படவுள்ளது.
போட்டிகள் புதுக்கோட்டை மன்னர் கல்லூரியில் வரும் 09/08/2019 காலை 9.30 மணிக்கு நடைபெறவுள்ளன. மூன்று போட்டிகளும் ஒரே நாளில் நடத்தப்பட்டு முடிவுகள் அன்றே அறிவிக்கப்படும்.
- போட்டிகளில் கலந்து கொள்ளும் மாணவர்கள் கல்லூரிகளுக்கு அனுப்பப்பட்டுள்ள படிவத்தை நிறைவு செய்து கல்லூரி முதல்வரின் பரிந்துரையுடன் போட்டி தொடங்கும் முன் போட்டி நடைபெறும் இடத்தில் அளிக்க வேண்டும்.
- படிவம் இன்றி வெறும் பரிந்துரையுடன் வரும் மாணவர்கள் போட்டிகளில் பங்கேற்க அனுமதிக்கப்பட மாட்டார்கள்.
- ஒவ்வொரு போட்டிக்கும் ஒருவர் வீதம் 3 பேர் மட்டுமே ஒரு கல்லூரியிலிருந்து அனுப்பி வைக்க வேண்டும்.
- ஒரு மாணவர் கண்டிப்பாக ஒரு போட்டியில் மட்டுமே கலந்து கொள்ள வாய்ப்பளிக்கப்படும்.
- இதற்கு முன் இப்போட்டிகளில் பங்கேற்று 2 முறை பரிசு பெற்றிருப்பின் மீண்டும் அதே போட்டியில் கலந்து கொள்ள அனுமதிக்கப்பட மாட்டார்கள்.
- போட்டிகளுக்கான தலைப்புகள் நடுவர்கள் மற்றும் மாணவ மாணவிகள் முன்னிலையில் போட்டி நடைபெறும் நேரத் தொடக்கத்தில் அறிவிக்கப்படும்.
- போட்டிகளில் பங்கேற்கும் மாணவர்களுக்கு பயணப்படி ஏதும் வழங்கப்படாது.
- முதல் பரிசு பெறும் மாணவர்கள் மாநில போட்டிகளில் பங்குபெறலாம்.
மேலும் விவரங்களுக்கு :-
புதுக்கோட்டை மாவட்டத் தமிழ் வளர்ச்சி உதவி இயக்குநர் முதல் தளம், மாவட்ட ஆட்சியர் அலுவலக வளாகம்,
புதுக்கோட்டை .
என்ற முகவரியில் நேரடியாகவோ, 04322 228840 அல்லது 99522 80798 ஆகிய எண்களின் வாயிலாகவோ தொடர்பு கொள்ளலாம்.
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.