அதில் கீழ்காணும் தீர்மானங்கள் நிறைவேற்றப்பட்டன:-
1.நேஷனல் இன்வெஸ்டிகேஷன் ஏஜென்சி- NIA- எனப்படும் தேசிய புலனாய்வு முகமையின் சமீபகால செயல்பாடுகள் குறித்து கூட்டமைப்பு மிகுந்த கவலை கொள்கிறது. தகுந்த முகாந்திரம் இன்றி, எந்த ஆதாரங்களும் இன்றி முஸ்லிம் இளைஞர்களை குற்றவாளிகளாக்க என் ஐ ஏ செயல்படுவதை கூட்டமைப்பு மிக வன்மையாக கண்டிக்கிறது.
2. NIA வின் தவறான நடவடிக்கைகளைத் தொகுத்து தகுந்த தரவுகளுடன் நாடாளுமன்ற உறுப்பினர்கள், கட்சித் தலைவர்கள், சமூக செயல்பாட்டாளர்கள் ஆகியோரிடம் கையளிப்பது எனவும் அவர்கள் பாராளுமன்றம் முதல் சமூக ஊடகங்கள் வரை உண்மை நிலையை உரத்துச் சொல்ல தேவையான நடவடிக்கைகளை கூட்டமைப்பு எடுக்கும் என்பதை முஸ்லிம் சமூகத்திற்கு அறியத் தருகிறது.
3. தமிழகத்தில் முஸ்லிம் இளைஞர்கள் மீது NIA எடுத்துள்ள தவறான நடவடிக்கைகளுக்காக கூட்டமைப்பு சட்ட ரீதியிலான நடவடிக்கைகளை மேற்கொள்ளும். இதற்காக துறைசார் வல்லுநர்களைக் கொண்ட குழு அமைக்கப்படும். அவர்களுடைய ஆலோசனைகள் பெறப்படும். பின்னர் இது குறித்து நீதி மன்றத்தில் வழக்கு தொடரப்படும். மேலும் மூத்த வழக்கறிஞர்களைக் கொண்டு இந்த வழக்கை நடத்துவது எனவும் தீர்மானிக்கப்பட்டது. இவ் வழக்கை தொடர்ந்து நடத்தி கண்காணிப்பதற்காக குழு அமைக்கப்பட்டுள்ளது.
4.இந்தியா முழுவதும் நடைபெறும் கும்பல் கொலை என்ற பயங்கரவாதச் செயலை கூட்டமைப்பு வன்மையாக கண்டிக்கிறது. அமைதிப் பூங்காவான தமிழகம் இந்தியாவிற்கு முன்மாதிரி மாநிலமாக திகழ்கிறது. எனவே இத்தகைய வன்முறைகள் தமிழகத்தில் நிகழாதிருக்க உச்சநீதிமன்ற அறிவுரைப்படி கும்பல் கொலைக்கு உச்சபட்ச தண்டனை அளிக்கும் சட்டம் ஒன்றை விரைந்து இயற்ற வேண்டுமென தமிழக அரசை கூட்டமைப்பு கேட்டுக் கொள்கிறது.
5. நாட்டின் சமூக நீதியையும் தேசிய ஒருமைப்பாட்டையும் சீர்குலைக்கும் தேசிய கல்விக் கொள்கை 2019 குறித்து கூட்டமைப்பு தனது ஆழ்ந்த கவலையை வெளிப்படுத்துகிறது. இதை எதிர்கொள்ளும் முகமாக இன்ன பிற ஜனநாயக அமைப்புகளுடன் இணைந்து கூட்டமைப்பின் அனைத்து இயக்கங்களும் களம் காண வேண்டும் என கூட்டமைப்பு வேண்டி கேட்டுக் கொள்கிறது.
என தீர்மானம் நிறைவேற்றபட்டது.
தங்கள் உண்மையுள்ள...
கூட்டமைப்பின் தலைவர்
மௌலானா P. A. காஜா முயீனுத்தீன் பாகவி.
ஒருங்கிணைப்பாளர்கள்...
மௌலானா முஹம்மது மன்சூர் காஷிஃபி காசிமி.
அல்ஹாஜ் பஷீர் அஹ்மத்.
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.