அமெரிக்காவின் ‘நாசா’ செல்லும் புதுக்கோட்டை அரசுப் பள்ளி மாணவிக்கு தனியாா் பள்ளி நிதியுதவி!



அமெரிக்காவின் நாசா விண்வெளி ஆய்வு மையம் செல்வதற்கு தோ்வாகியுள்ள அரசு மகளிா் மேல்நிலைப் பள்ளி மாணவிக்கு நேற்று புதன்கிழமை தனியாா் பள்ளி ஆசிரியா்கள் ரூ. 10,300 நிதி வழங்கியுள்ளனா்.

புதுக்கோட்டை ஆதனக்கோட்டையைச் சோ்ந்த மாணவி ஜெயலட்சுமி, ராணியாா் அரசு மேல்நிலைப் பள்ளியில் 11ஆம் வகுப்பு படித்து வருகிறாா்.

இவா் அமெரிக்காவிலுள்ள நாசா விண்வெளி ஆய்வு மையத்தைப் பாா்வையிடும் வாய்ப்பைப் பெறும் வகையில் நடைபெற்ற உலகளாவிய கணினித் தோ்வில் தோ்ச்சி பெற்றதைத் தொடா்ந்து, அவரது பயணச்செலவுக்கு நிதியுதவி கோரியிருந்தாா்.

ஓஎன்ஜிசி சாா்பில் ரூ. 65 ஆயிரம் வழங்கப்பட்டது. மேலும் நிதியுதவி பெறும் நோக்கில் பல்வேறு தன்னாா்வலா்கள் முயற்சி மேற்கொண்டு வருகின்றனா்.

இந்நிலையில் திருக்கோகா்ணம் வெங்கடேஸ்வரா மெட்ரிக். மேல்நிலைப் பள்ளி வளாகத்தில் புதன்கிழமை மாணவி ஜெயலட்சுமிக்கு பாராட்டு தெரிவிக்கப்பட்டு நிா்வாகம் மற்றும் ஆசிரியா்கள் சாா்பில் ரூ. 10, 300 நிதியுதவி வழங்கப்பட்டது.

பள்ளி முதல்வா் கவிஞா் தங்கம் மூா்த்தி, துணை முதல்வா் குமரவேல், ஒருங்கிணைப்பாளா்கள் கௌரி, ரம்யா, அபிராமசுந்தரி, வசுமதி ஆகியோா் ஏற்பாடுகளை செய்திருந்தனா்.

கோபாலப்பட்டினம், மீமிசல் மற்றும் சுற்றுவட்டார செய்திகளை எங்களது இணையதளத்தில் பதிவிட +918270282723 என்ற எண்ணிற்கு செய்திகளை அனுப்புங்கள்..! மேலும் எங்களது செய்திகளை உடனுக்குடன் உங்கள் மொபைலில் வாட்ஸ்ஆப் மூலம் தெரிந்து கொள்ள உடனே +918270282723 என்ற எண்ணிற்கு SEND என்று மெசேஜ் அனுப்புங்கள்..!

Post a comment

0 Comments