மதுரை அரசு ராஜாஜி மருத்துவமனையில் 13 வயது சிறுமிக்கு இதயத்தில் இருந்த 150 கிராம் கட்டியை அகற்றப்பட்டது.
இதயத்திலிருந்து வெற்றிகரமாக அகற்றப்பட்ட கட்டிகளில் இதுவே இந்தியாவிலே மிகப்பெரிய கட்டி என்று மருத்துவர்கள் தெரிவித்தனர்.
ராஜபாளையம் சர்ச் தெருவில் வசிப்பவர் கூலித்தொழிலாளி ப.குணசேகரன். இவரது 13 வயது மகள் சீதா லெட்சுமி. மூச்சு திணறல், நெஞ்சுவலியால் அவதிப்பட்ட இவர், மதுரை அரசு ராஜாஜி மருத்துவமனையில் சேர்த்தனர்.
இதய நெஞ்சக அறுவை சிகிச்சைத்துறை, இவரை பரிசோதனை செய்தனர். ஸ்கேனில் அவரது இதயம் முழுவதிலும் கட்டி இருப்பது கண்டறியப்பட்டது. அந்த கட்டியானது ரத்த ஓட்டத்தை தடை செய்யும் விதமாக அமைந்திருந்தது.
மருத்துவர்கள் அறுவை சிகிச்சை செய்து, இதயத்திலிருந்த அந்த கட்டியை அகற்றினர். அந்த கட்டி 150 கிராம் இருந்தது. இதயத்திலிருந்து அகற்றப்பட்ட கட்டிகளுள் இந்த கட்டி இந்தியாவிலே ஒரு நோயாளிக்கு அகற்றப்பட்ட கட்டி என்று ‘டீன்’ சங்கு மணி பெருமிதம் தெரிவித்தார்.
அவர் கூறுகையில், ‘‘இதயத்தில் நடந்த இந்த அறுவை சிகிச்சை முதலமைச்சர் காப்பீட்டு திட்டத்தில் முற்றிலும் இலவசமாக அகற்றப்பட்டது. இதே கட்டியை தனியார் மருத்தவமனைகளில் அகற்றியிருந்தால் ரூ.5 லட்சம் வரை செலவாகியிருக்கும்.
இதேபோல் அரசு மருத்துவமனையில் மற்றொரு அரியவகை மூச்சுக்குழாய் அறுவை சிகிச்சையும் மேற்கொள்ளப்பட்டது. சிவகங்கை மாவட்டம் திருப்புவணத்தை சேர்ந்த கூலித்தொழிலாளி கேசவன், (35) சுவாசப்பிரச்சனை காரணமாக மதுரை அரசு மருத்துவமனையில் சேர்க்கப்பட்டார்.
5 மாதத்திற்கு முன் பூச்சிக்கொல்லி மருந்து சாப்பிட்டு சிகிச்சையில் குணமடைந்துள்ளார். தற்போது மீண்டும் சுவாசப்பிரச்சனை ஏற்பட்டதால் அவருக்கு அதிகமான நாட்கள் செயற்கை சுவாச கருவிகள் உதவி தேவைப்பட்டது. மூச்சுக்குழாயும் பண்பட்டு சுருங்கியது.
இவருக்கு மூன்று கோணங்களில் ஸ்கேன் எடுத்துப்பார்த்ததில் மூச்சுக்காற்று உள்ளே வெளியே செல்வதற்கு இடமில்லாமல் இருந்தது.
அதனால், மருத்துவர்கள் சுருங்கி பயண்படாதநிலையில் 3 செ.மீ, அளவிலான மூச்சுக்குழாய் அகற்றப்பட்டு மீதமுள்ள நல்லமுறையில் இயங்கி கொண்டிருந்த மூச்சுக்குழாய் பகுதிகள் இணைக்கப்பட்டு பயன்பாட்டிற்கு கொண்டு வரப்பட்டது. இது அரிய வகை மூச்சுக்குழாய் அறுவை சிகிச்சையாகும், ’’ என்றார்.
கோபாலப்பட்டினம், மீமிசல் மற்றும் சுற்றுவட்டார செய்திகளை எங்களது இணையதளத்தில் பதிவிட +918270282723 என்ற எண்ணிற்கு செய்திகளை அனுப்புங்கள்..! மேலும் எங்களது செய்திகளை உடனுக்குடன் உங்கள் மொபைலில் வாட்ஸ்ஆப் மூலம் தெரிந்து கொள்ள உடனே +918270282723 என்ற எண்ணிற்கு SEND என்று மெசேஜ் அனுப்புங்கள்..!
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.