கரோனா வைரஸ் தாக்கம் காரணமாக 9 நாடுகளுக்கு விமானப் போக்குவரத்து, கப்பல் போக்குவரத்து ஆகியவற்றை நிறுத்தியது சவுதி அரேபியா.
உலக நாடுகளை கரோனா வைரஸ் அச்சுறுத்தி வருகிறது. சீனாவின் வூஹான் நகரில் பரவத் தொடங்கிய கரோனா வைரஸுக்கு இதுவரை உலகம் முழுவதும் ஒரு லட்சத்துக்கும் மேற்பட்டோர் பாதிக்கப்பட்டுள்ளனர். 3,400க்கும் மேற்பட்டோர் உயிரிழந்துள்ளனர்.
சீனாவில் மட்டும் தீவிரமடைந்திருந்த கரோனா வைரஸ் தற்போது வளைகுடா நாடுகளிலும் பரவத் தொடங்கியுள்ளது. இதனால் அச்சமடைந்த கத்தார் அரசு இந்தியா உள்பட 13 நாடுகளைச் சேர்ந்த மக்கள் தங்கள் நாட்டுக்குள் வரத் தடை விதித்துள்ளது.
இந்த சூழலில் சவுதி அரேபியா அரசு 9 நாடுகளுக்கு விமானப் போக்குவரத்து, கப்பல் போக்குவரத்தைத் தடை செய்துள்ளது. குறிப்பாக பஹ்ரைன், எகிப்து, ஈராக், இத்தாலி, குவைத், லெபனான், தென் கொரியா, சிரியா, ஐக்கிய அரபு அமீரகம் ஆகிய நாடுகளுக்கு விமானப் போக்குவரத்தையும், கடல்வழிப் போக்குவரத்தையும் ரத்து செய்துள்ளது. இந்த நாடுகளைச் சுற்றியுள்ள எல்லையையும் சீல் வைத்து மூடியுள்ளது.
இது குறித்து சவுதி அரேபியா வெளியுறவுத்துறை அதிகாரி ஒருவர் கூறுகையில், "எங்கள் நாட்டு மக்களின் உடல்நலம் கருதியும், உயிர் காக்கும் பொருட்டும் இந்த நடவடிக்கையை எடுத்துள்ளோம். இந்தத் தடை தற்காலிகமானதுதான்" எனத் தெரிவித்தார்.
ஏற்கெனவே சவுதி அரேபியாவில் உள்ள இஸ்லாமிய புனிதத் தலங்களுக்கு மக்கள் வருவதைக் கட்டுப்படுத்தியுள்ளது குறிப்பிடத்தக்கது.
மத்திய கிழக்கு நாடுகளில் இதுவரை 7 ஆயிரம் பேருக்கு கரோனா வைரஸ் பாதிப்பு ஏற்பட்டுள்ளது. இதில் அதிகபட்சமாக ஈரானில் 194 பேர் இறந்துள்ளார்கள் என்பது குறிப்பிடத்தக்கது.
கோபாலப்பட்டினம், மீமிசல் மற்றும் சுற்றுவட்டார செய்திகளை எங்களது இணையதளத்தில் பதிவிட +918270282723 என்ற எண்ணிற்கு செய்திகளை அனுப்புங்கள்..! மேலும் எங்களது செய்திகளை உடனுக்குடன் உங்கள் மொபைலில் வாட்ஸ்ஆப் மூலம் தெரிந்து கொள்ள உடனே +918270282723 என்ற எண்ணிற்கு SEND என்று மெசேஜ் அனுப்புங்கள்..!
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.