புதுக்கோட்டை மாவட்டத்தில் மளிகை கடைகள் அனைத்து நாட்களிலும் காலை 6 மணி முதல் மதியம் 1 மணி வரை இயங்க கலெக்டர் உமாமகேஸ்வரி அனுமதி அளித்து உத்தரவிட்டுள்ளார்.
புதுக்கோட்டை நகராட்சி, தெற்கு ராஜவீதியில் இயங்கும் மளிகை கடைகளில் பொதுமக்கள் சமூக இடைவெளியினை பின்பற்றப்படுவதை உறுதி செய்யும் வகையில் மாவட்ட கலெக்டர் உமாமகேஸ்வரி இன்று பார்வையிட்டு ஆய்வு செய்தார். பின்னர் அவர் கூறியதாவது.
கொரோனா வைரஸ் தடுப்பு பணியின் ஒரு பகுதியாக புதுக்கோட்டை மாவட்டத்தில் மளிகை கடைகள் திங்கள், புதன் மற்றும் வெள்ளி கிழமைகளில் இயங்க அறிவுறுத்தப்பட்டிருந்தது. தற்பொழுது இதனை தளர்த்தி அரசால் ஏற்கனவே நிர்ணயிக்கப்பட்ட காலை 6 மணி முதல் மதியம் 1 மணி வரை அனைத்து நாட்களிலும் மளிகை கடைகள் இயங்க அனுமதிக்கப்பட்டுள்ளது.
ஏனைய மருந்து, பால், காய்கறி உள்ளிட்ட அத்தியாவசிய பொருட்கள் விற்பனை செய்யப்படும் கடைகள் ஏற்கனவே அரசால் அறிவிக்கப்பட்டுள்ள கால அளவில் தொடர்ந்து இயங்கும். பொதுமக்கள் கண்டிப்பாக சமூக இடைவெளியை தொடர்ந்து கடைபிடித்திட வேண்டும். அந்தந்த கடைகாரர்களும் தங்கள் வாடிக்கையாளர்கள் சமூக இடைவெளியை கடைப்பிடிப்பதை உறுதி செய்ய வேண்டும்..
வேளாண்மைத்துறையின் மூலம் நடமாடும் காய், கனி அங்காடிகள் 115 இடங்களில் பொதுமக்களின் இருப்பிடங்களுக்கே சென்று விற்பனை செய்யப்படுகிறது. அவ்வாறு விற்பனை செய்யப்படும்போது பொதுமக்களுக்கு இலவசமாக மாஸ்க் வழங்கப்படுகிறது. மேலும் விவசாயிகள் பயன்பெறும் வகையில் வேளாண்மைத்துறையின் மூலம் மாவட்டத்தின் 5 நடமாடும் வாகனங்கள் மூலம் உரவிற்பனை செய்யப்பட்டு வருகிறது.
தமிழக அரசால் பொதுமக்களின் நலனுக்காக செயல்படுத்தப்பட்டு வரும் பல்வேறு நடவடிக்கைகளுக்கு பொதுமக்கள் உரிய ஒத்துழைப்பு அளிக்க வேண்டும். இவ்வாறு மாவட்ட கலெக்டர் உமாமகேஸ்வரி கூறினார்.
கோபாலப்பட்டினம், மீமிசல் மற்றும் சுற்றுவட்டார செய்திகளை எங்களது இணையதளத்தில் பதிவிட +918270282723 என்ற எண்ணிற்கு செய்திகளை அனுப்புங்கள்..! மேலும் எங்களது செய்திகளை உடனுக்குடன் உங்கள் மொபைலில் வாட்ஸ்ஆப் மூலம் தெரிந்து கொள்ள உடனே +918270282723 என்ற எண்ணிற்கு SEND என்று மெசேஜ் அனுப்புங்கள்..!
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.