தமிழகத்தில் கொரோனா வைரசை தடுக்கும் விதமாக பல்வேறு நடவடிக்கைகளை தமிழக அரசு எடுத்து வருகிறது. அந்த வகையில் தமிழகம் முழுவதும் அனைத்து இடங்களிலும் கிருமி நாசினி தெளிக்க ஏற்பாடு செய்யப்பட்டுள்ளது. மேலும் பொதுமக்கள் சமூக இடைவெளியை பின்பற்றும் விதமாக கடைகள் உள்ளிட்டவைகளில் தேவையான ஏற்பாடுகளையும் செய்து வருகிறது. கொரோனா பாதித்தவர்களுக்கு சிகிச்சை அளிக்கும் விதமாக தமிழக மருத்துவமனையில் 22 ஆயிரம் படுக்கை வசதிகள் ஏற்படுத்தி உள்ளது. மேலும் ‘வெண்டிலேட்டர்’ உள்ளிட்ட உபகரணங்களும், டாக்டர்களுக்கு பாதுகாப்பு உபகரணங்களும் போதுமான நிலையில் வைத்துள்ளது. இந்தநிலையில், தமிழகத்தில் கொரோனா வைரசால் பாதிக்கப்பட்டவர்களுக்கு சிகிச்சை அளிப்பதற்காக அரசு மருத்துவமனைகள் தேர்வு செய்யப்பட்டுள்ளன.
இதுதொடர்பாக சுகாதாரத்துறை செயலாளர் டாக்டர் பீலா ராஜேஷ் வெளியிட்டுள்ள அரசாணையில் கூறப்பட்டு இருப்பதாவது:-
மருத்துவமனைகள் தேர்வு
தமிழகத்தில் கொரோனா வைரசால் பாதிக்கப்பட்டவர்களுக்கு சிகிச்சை அளிக்க கீழ்க்கண்ட 20 மருத்துவமனைகள் தேர்வு செய்யப்பட்டுள்ளன.
- சென்னை ராஜீவ்காந்தி அரசு பொது மருத்துவமனை,
- ஓமந்தூரார் அரசு பல்நோக்கு மருத்துவமனை,
- கீழ்ப்பாக்கம் அரசு மருத்துவமனை,
- ஸ்டான்லி அரசு மருத்துவமனை,
- சேலம் மோகன் குமாரமங்களம் அரசு மருத்துவ கல்லூரி மருத்துவமனை,
- வேலூர் அரசு மருத்துவ கல்லூரி மருத்துவமனை,
- ஈரோடு பெருந்துறை அரசு மருத்துவ கல்லூரி மருத்துவமனை,
- கோவை அரசு இ.எஸ்.ஐ. மருத்துவமனை,
- விழுப்புரம் அரசு மருத்துவ கல்லூரி மருத்துவமனை,
- திருவண்ணாமலை அரசு மருத்துவ கல்லூரி மருத்துவமனை,
- தர்மபுரி அரசு மருத்துவ கல்லூரி மருத்துவமனை,
- கரூர் அரசு மருத்துவமனை,
- சிதம்பரம் ராஜா முத்தையா அரசு மருத்துவ கல்லூரி,
- திருச்சி மகாத்மா காந்தி நினைவு அரசு மருத்துவமனை,
- தஞ்சாவூர் அரசு மருத்துவ கல்லூரி மருத்துவமனை,
- சிவகங்கை அரசு மருத்துவ கல்லூரி மருத்துவமனை,
- மதுரை அரசு மருத்துவ கல்லூரி மருத்துவமனை,
- தேனி அரசு மருத்துவ கல்லூரி மருத்துவமனை,
- திருநெல்வேலி அரசு மருத்துவ கல்லூரி மருத்துவமனை,
- கன்னியாகுமரி அரசு மருத்துவ கல்லூரி மருத்துவமனை ஆகியவை தேர்வு செய்யப்பட்டுள்ளன.
தமிழகத்தின் 37 மாவட்டங்களில் கொரோனா தொற்றால் பாதிக்கப்பட்டவர்கள் மேற்கண்ட மருத்துவமனைக்கு உடனே உரிய நெறிமுறைகளுடன் மாற்றப்பட வேண்டும்.
இவ்வாறு அதில் கூறப்பட்டுள்ளது.
கோபாலப்பட்டினம், மீமிசல் மற்றும் சுற்றுவட்டார செய்திகளை எங்களது இணையதளத்தில் பதிவிட +918270282723 என்ற எண்ணிற்கு செய்திகளை அனுப்புங்கள்..! மேலும் எங்களது செய்திகளை உடனுக்குடன் உங்கள் மொபைலில் வாட்ஸ்ஆப் மூலம் தெரிந்து கொள்ள உடனே +918270282723 என்ற எண்ணிற்கு SEND என்று மெசேஜ் அனுப்புங்கள்..!
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.