புதுக்கோட்டையில் தொழிலாளர் துறை அலுவலகம் இடமாற்றம்.!



புதுக்கோட்டை மாவட்டத்தில் தொழிலாளர் துறை அலுவலகம் இடமாற்றம் செய்யப்பட்டுள்ளது.


இதுகுறித்து மாவட்ட கலெக்டர் உமாமகேஸ்வரி  வெளியிட்டுள்ள அறிக்கையில் கூறியிருப்பதாவது.

புதுக்கோட்டை மாவட்டம், இராஜகோபாலபுரத்தில் இதுவரை இயங்கி வந்த தொழிலாளர் துறை அலுவலகம் சமீபத்தில் தமிழக முதல்வரால் காணொலிக்காட்சி வாயிலாக திறந்து வைக்கப்பட்டுள்ள நவீன வசதிகளுடன் கூடிய புதிய கட்டிடமான புதுக்கோட்டை, திருச்சி சாலையில் ஐடிஐ வளாகம், திருகோகர்ணம் 622002, மாவட்ட வேலைவாய்ப்பு அலுவலகம் பின்புறம் உள்ள அலுவலகத்தில் இன்று 1.6.2020 முதல் இயங்க உள்ளது.

ஆகையால் தொழிலாளர்துறை சம்பந்தமாக இயங்கும் தொழிலாளர் துணை ஆய்வர் அலுவலகம், முத்திரை ஆய்வர் அலுவலகம், தொழிலாளர் உதவி ஆய்வர் 1ம் சரகம் அலுவலகம் மற்றும் தொழிலாளர் உதவி ஆய்வர் 2ம் சரகம் அலுவலகம் மற்றும் மார்த்தாண்டபுரம், முதல்வீதியில் இயங்கிவந்த தொழிலாளர் உதவி ஆணையர் (ச.பா.தி) அலுவலகம் ஆகிய அலுவலகங்கள் மேற்குறிப்பிடப்பட்ட புதிய முகவரியில் இன்று 1.6.2020 முதல் செயல்படும்.

இவ்வாறு அந்த அறிக்கையில் தெரிவித்துள்ளார்.
கோபாலப்பட்டினம், மீமிசல் மற்றும் சுற்றுவட்டார செய்திகளை எங்களது இணையதளத்தில் பதிவிட +918270282723 என்ற எண்ணிற்கு செய்திகளை அனுப்புங்கள்..! மேலும் எங்களது செய்திகளை உடனுக்குடன் உங்கள் மொபைலில் வாட்ஸ்ஆப் மூலம் தெரிந்து கொள்ள உடனே +918270282723 என்ற எண்ணிற்கு SEND என்று மெசேஜ் அனுப்புங்கள்..!

Post a Comment

0 Comments