கொரோனா வைரஸ் பரவலை தடுப்பதற்காக பிறப்பிக்கப்பட்டு உள்ள ஊரடங்கு உத்தரவினால் பொதுமக்கள் போலீஸ் டி.ஐ.ஜி., மாவட்ட போலீஸ் சூப்பிரண்டு, துணை சூப்பிரண்டு உள்ளிட்ட உயர் அதிகாரிகளை நேரில் சந்தித்து புகார் கொடுக்க முடியாத சூழ்நிலை உள்ளது.
இந்நிலையில் திருச்சி சரகத்திற்கு உட்பட்ட திருச்சி, புதுக்கோட்டை, பெரம்பலூர், அரியலூர், கரூர் ஆகிய 5 மாவட்டங்களை சேர்ந்த பொதுமக்கள் அவசரமான புகார்கள் தொடர்பாக திருச்சி சரக போலீஸ் டி.ஐ.ஜி. பாலகிருஷ்ணனை நேரில் சந்திக்க விரும்புபவர்கள் காணொலி செயலி (கூகுள் மீட்) மூலம் வாரத்தில் திங்கள் மற்றும் வெள்ளிக்கிழமைகளில் பகல் 12 மணி முதல் 1 மணி வரை புகார்கள் கூறலாம்.
எனவே, புகார் தெரிவிக்க விரும்புபவர்கள் திருச்சி சரக போலீஸ் டி.ஐ.ஜி. அலுவலக தொலைபேசி எண் 0431-2333909 என்ற எண்ணிற்கு தொடர்பு கொண்டு தங்களின் பெயர், முகவரி மற்றும் தொலைபேசி எண் போன்ற விவரங்களை தெரிவிக்கும்படியும், இந்த புகார்கள் அந்தந்த உட்கோட்ட தனிப்பிரிவு பொறுப்பு அதிகாரிகளுக்கு தெரிவிக்கப்பட்டு அவர்கள் மூலமாக சம்பந்தப்பட்ட புகார்தாரர்களுக்கு செல்போன் மூலம்தொடர்பு கொண்டு காணொலி கூட்டத்தில் பங்கு பெறுவதற்கு அனைத்து உதவிகளும் செய்யப்படும் என டி.ஐ.ஜி. பாலகிருஷ்ணன் தெரிவித்து உள்ளார்.
வாரத்தில் சனி மற்றும் ஞாயிற்றுக்கிழமைகளில் சரக அலுவலகத்தை தொடர்பு கொள்பவர்களுக்கு திங்கட்கிழமையும், செவ்வாய்க்கிழமை முதல் வியாழக்கிழமை வரை சரக அலுவலகத்தை தொடர்பு கொள்பவர்களுக்கு வெள்ளிக்கிழமையும் அந்தந்த உட்கோட்டத்தில் மனுதாரருக்கு வசதியான இடத்தில் இருந்து இதற்கென்று தனியாக நியமிக்கப்பட்ட பொறுப்பு அதிகாரிகள் மூலமாக காணொலி வசதி ஏற்பாடு செய்யப்பட்டு அதன் மூலம் குறைகளை நிவர்த்தி செய்ய நடவடிக்கை எடுக்கப்படும் என்று அறிவிக்கப்பட்டு உள்ளது.
கோபாலப்பட்டினம், மீமிசல் மற்றும் சுற்றுவட்டார செய்திகளை எங்களது இணையதளத்தில் பதிவிட +918270282723 என்ற எண்ணிற்கு செய்திகளை அனுப்புங்கள்..! மேலும் எங்களது செய்திகளை உடனுக்குடன் உங்கள் மொபைலில் வாட்ஸ்ஆப் மூலம் தெரிந்து கொள்ள உடனே +918270282723 என்ற எண்ணிற்கு SEND என்று மெசேஜ் அனுப்புங்கள்..!
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.