நாடு முழுவதும் உள்ள கூட்டுறவு வங்கிகளை மத்திய ரிசர்வ் வங்கியின் கீழ் கொண்டு வருவது என மத்திய அமைச்சரவை எடுத்திருக்கும் முடிவு அதிர்ச்சியளிக்கிறது.
மாநில அரசுகளின் பட்டியலில் உள்ள கூட்டுறவு வங்கிகளை கைப்பற்ற நினைப்பது கூட்டாட்சி தத்துவத்திற்கு எதிரானதாகும்.
மாநில அரசுகளிடம் எஞ்சி நிற்கும் ஒரு சில உரிமைகளையும் மத்திய அரசு பறிக்கும் போக்கு கண்டிக்கத்தக்கது.
கூட்டுறவு வங்கிகள் விவசாயிகளின் நம்பிக்கை நட்சத்திரங்களாகவும், கிராமப்புற மக்களின் முன்னேற்றத்திற்கான வாசல் படிகளாகவும் உள்ளன.
மாநில கூட்டுறவு துறை மூலம் செயல்படுத்தப்படும் இதன் நிர்வாக முடிவுகளை இனி மாநில அரசுகளே எடுக்க முடியாத சூழல் உருவாகியிருக்கிறது.
வங்கிகளில் பன்னாட்டு முதலீடுகளுக்கு மத்திய அரசு அனுமதியளித்திருக்கும் நிலையில், ரிசர்வ் வங்கியின் தன்னாட்சியும் கேள்விக்குள்ளாகியிருக்கும் நிலையில் இதை உன்னிப்பாக கவனிக்க வேண்டியுள்ளது.
எனவே விவசாயிகளின் பங்களிப்புடன், உழைக்கும் கிராமப்புற மக்களால் செழிப்புற்றிருக்கும் கூட்டுறவு வங்கிகளின் ஜனநாயக உரிமைகளை இழக்க அனுமதிப்பது விவசாயிகளின் எதிர்காலத்தை குழி தோண்டி புதைப்பதற்கு சமமாகும். இதன் மூலம் கிராமிய பொருளாதாரம் நலிவடையும் ஆபத்தும் இருக்கிறது.
எனவே, இதை தமிழக அரசு கடுமையாக எதிர்க்க வேண்டும் என்றும், கிராமப்புற மக்களின் நலனையும், கூட்டாட்சி தத்துவத்தையும் மதிக்கும் வகையில் மத்திய அரசு இம்முடிவை கைவிட வேண்டும் என்றும் மனிதநேய ஜனநாயக கட்சியின் சார்பில் கேட்டுக் கொள்கிறோம்.
இவண்,
மு.தமிமுன் அன்சாரி MLA.,
பொதுச் செயலாளர்
மனிதநேய ஜனநாயக கட்சி
25.06.2020
கோபாலப்பட்டினம், மீமிசல் மற்றும் சுற்றுவட்டார செய்திகளை எங்களது இணையதளத்தில் பதிவிட +918270282723 என்ற எண்ணிற்கு செய்திகளை அனுப்புங்கள்..! மேலும் எங்களது செய்திகளை உடனுக்குடன் உங்கள் மொபைலில் வாட்ஸ்ஆப் மூலம் தெரிந்து கொள்ள உடனே +918270282723 என்ற எண்ணிற்கு SEND என்று மெசேஜ் அனுப்புங்கள்..!
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.