விராலிமலை அருகே தடுப்புச்சுவரில் மோதி கவிழ்ந்த கார் மீது லாரி மோதியதில் 3 வாலிபர்கள் பரிதாபமாக இறந்தனர்.
புதுக்கோட்டை மாவட்டம் விராலிமலை தாலுகா கொடும்பாளூர் சத்திரத்தை சேர்ந்தவர் சேகர். இவருடைய மகன் மிதுன்கிஷோர்(வயது 23). இவரும், இவருடைய நண்பர்களான அதே பகுதியை சேர்ந்த சரவணனின் மகன் அரவிந்த்(23), ராசுவின் மகன் பரத் (23) ஆகியோர் நேற்று ஒரு காரில் கொடும்பாளூர் சத்திரத்தில் இருந்து விராலிமலை நோக்கி வந்தனர்.
கொடும்பாளூர் சத்திரத்தை அடுத்துள்ள வடகாட்டுப்பட்டி பிரிவு சாலை அருகே வந்தபோது எதிர்பாராதவிதமாக சாலையின் நடுவே உள்ள தடுப்புச்சுவர் மீது கார் மோதி கவிழ்ந்தது. அப்போது திருச்சியில் இருந்து மதுரை நோக்கி சென்ற கண்டெய்னர் லாரி, கார் மீது மோதி காரின் மீதே கவிழ்ந்தது. இதில் கார் அப்பளம் போல் நொறுங்கி, நசுங்கியது.
இதில் காரில் இருந்த மிதுன் கிஷோர், அரவிந்த், பரத் ஆகிய 3 பேரும் உடல் நசுங்கி சம்பவ இடத்திலேயே பரிதாபமாக இறந்தனர்.
இந்த சம்பவம் குறித்து தகவல் அறிந்து அங்கு வந்த இலுப்பூர் வருவாய் கோட்டாட்சியர்(பொறுப்பு) முருகேசன், போலீஸ் துணை சூப்பிரண்டு அருள்மொழிஅரசு மற்றும் விராலிமலை போலீஸ் இன்ஸ்பெக்டர் மனோகரன் ஆகியோர் விபத்தில் இறந்த 3 பேரின் உடல்களை கைப்பற்றி பிரேத பரிசோதனைக்காக மணப்பாறை அரசு மருத்துவமனைக்கு அனுப்பி வைத்தனர்.
இந்த விபத்து குறித்து விராலிமலை போலீசார் வழக்குப்பதிவு செய்து விசாரணை நடத்தி வருகின்றனர்.
கோபாலப்பட்டினம், மீமிசல் மற்றும் சுற்றுவட்டார செய்திகளை எங்களது இணையதளத்தில் பதிவிட +918270282723 என்ற எண்ணிற்கு செய்திகளை அனுப்புங்கள்..! மேலும் எங்களது செய்திகளை உடனுக்குடன் உங்கள் மொபைலில் வாட்ஸ்ஆப் மூலம் தெரிந்து கொள்ள உடனே +918270282723 என்ற எண்ணிற்கு SEND என்று மெசேஜ் அனுப்புங்கள்..!
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.