புதுக்கோட்டை மாவட்டம், ஆவுடையார்கோவில் ஒன்றியம், நாட்டாணிபுரசக்குடி ஊராட்சி மீமிசல் அருகில் உள்ள கோபாலப்பட்டிணத்தில் கடந்த ஒரு மதத்திற்கு மேலாக தெரு விளக்கு எரியாமல் இருளிலில் மூழ்கி உள்ளது. இதனால், அப்பகுதி மக்கள் இரவில் வெளியே வரவே அச்சப்படுகின்றனர். மழைக்காலங்களாக இருப்பதால் விஷ ஜந்துக்கள் அடிக்கடி குடியிருப்புகளுக்குள் புகுந்துவிடுகின்றன. சாலைகளும் குண்டும் குழியுமாக உள்ளதால் இரவு நேரங்களில் அந்த வழியாக குடிதண்ணீர் எடுத்து செல்லும் மக்கள் பெரும் இன்னல்களுக்கு ஆளாகின்றனர்.
இந்நிலையில் நாட்டாணிபுரசக்குடி ஊராட்சி வார்டு உறுப்பினர் மற்றும் ஊராட்சி மன்ற தலைவரிடம் அந்த பகுதி மக்கள் பல முறை புகார் தெரிவித்து உள்ளனர். ஆனால் இதுவரை தெரு விளக்கு எரிய எந்தவித நடவடிக்கையும் எடுக்காமல் ஊராட்சி மன்ற தலைவர் கண்டுகொள்ளாமல் உள்ளதாக அப்பகுதி மக்கள் குற்றம்சாட்டியுள்ளனர்.
இது சம்மந்தமாக ஊராட்சி மன்ற வார்டு உறுப்பினர் கூறுகையில் ஒரு மாதத்திற்கு மேலாக எரியாத தெரு விளக்கு பற்றி வார்டு பொதுமக்கள் என்னிடம் புகார் தெரிவித்தனர். இந்நிலையில் எரியாமல் உள்ள தெருவிளக்கு சம்மந்தமாக பலமுறை ஊராட்சி மன்ற தலைவர் மற்றும் ஊராட்சி மன்ற துணைத்தலைவர் கவனத்திற்கு எடுத்து சென்றும் இதுவரை எந்தவித நடவடிக்கையும் எடுக்காதது வருத்தமளிப்பதாகவும், மேலும் ஊராட்சி மன்ற நிர்வாகம் தன்னுடைய கடமைகளை சரிவர செய்வதில்லை என குற்றம்சாட்டினார்.
அப்பகுதியை சேர்ந்த சமூக ஆர்வலர் தெரு விளக்கு எரியாதது பற்றி வட்டார வளர்ச்சி அலுவரிடம் புகார் தெரிவித்துள்ளது குறிப்பிடத்தக்கது.
எனவே தெருவிளக்கை உடனடியாக சரி செய்து அப்பகுதி மக்கள் வெளிச்சம் பெற நடவடிக்கை எடுக்கும்படி சமூக ஆர்வலர்களின் கோரிக்கையாக உள்ளது.
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.