‘நிவர்’ புயல் எதிரொலியாக இன்று நடக்க இருந்த மருத்துவ கலந்தாய்வு வருகிற 30-ந் தேதிக்கு ஒத்திவைக்கப்பட்டு உள்ளது என அறிவிக்கப்பட்டுள்ளது.
நீட் தேர்வின் அடிப்படையில் எம்.பி.பி.எஸ்., பி.டி.எஸ். உள்ளிட்ட மருத்துவ படிப்புகளுக்கான கலந்தாய்வு தொடங்கி நடைபெற்று வருகிறது. அதன்படி, அரசு பள்ளி மாணவர்களுக்கு 7.5 சதவீத இட உள்ஒதுக்கீட்டு இடங்களுக்கு முதலில் கலந்தாய்வு நடத்தப்பட்டது. இதைத்தொடர்ந்து மாற்றுத்திறனாளி மாணவர்களுக்கு கலந்தாய்வு நடத்தப்பட்டது.
பொதுப்பிரிவினருக்கான கலந்தாய்வு நேற்று தொடங்கியது. இந்த நிலையில் நிவர் புயல் காரணமாக இன்று (செவ்வாய்க்கிழமை) நடைபெற இருந்த கலந்தாய்வு திடீரென ஒத்திவைக்கப்பட்டுள்ளது.
இதுதொடர்பாக மருத்துவ கல்வி கூடுதல் இயக்குனரும், மருத்துவ மாணவர் சேர்க்கை செயலாளருமான டாக்டர் ஜி.செல்வராஜன் வெளியிட்டுள்ள செய்திக்குறிப்பில் கூறப்பட்டு உள்ளதாவது:-
நிவர் புயல் காரணமாக மாணவர்கள் மற்றும் அவர்களின் பெற்றோர் கவுன்சிலிங்கில் பங்கேற்பதில் போக்குவரத்து உள்ளிட்ட இடையூறுகளை சந்திக்காதவாறு 24-ந் தேதி (இன்று) நடைபெற இருந்த மருத்துவ கலந்தாய்வு வருகிற 30-ந் தேதி (திங்கட்கிழமை) நடைபெறும் வகையில் மருத்துவ கலந்தாய்வு அட்டவணை மாற்றம் செய்யப்பட்டுள்ளது.
மாணவர்கள் மேலும் விவரங்களுக்கு www.tnhealth.tn.gov.in, www.tnmedicalselection.org என்ற இணையதளத்தில் தொடர்பில் இருக்குமாறு கேட்டுக்கொள்ளப்படுகிறார்கள்.
இவ்வாறு அதில் கூறப்பட்டுள்ளது.
ஏற்கனவே வந்தவர்களுக்கு...
இதுகுறித்து சுகாதாரத்துறை வெளியிட்ட அறிவிப்பில், “தமிழக முதல்-அமைச்சர் எடப்பாடி பழனிசாமியின் உத்தரவுப்படி 24-ந் தேதி (இன்று) நடைபெற உள்ள கலந்தாய்வுக்கு ஏற்கனவே வந்திருப்பவர்களுக்கு சுகாதாரத்துறை மூலம் தக்க ஏற்பாடுகள் செய்து தரப்படும்” என்று கூறப்பட்டுள்ளது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.