புதுக்கோட்டை அய்யனார்புரம் 3-ம் வீதியை சேர்ந்தவர் பாஸ்கர். இவர் அரசு துறையில் டிரைவராக பணியாற்றி ஓய்வு பெற்றவர். இவரது மனைவி கோப்பெருந்தேவி. இவர்களது மகள் கவிதா (என்கிற) பார்கவி (வயது 23), மகன் தமிழ்செல்வன்(20). கவிதா என்ஜினீயரிங் படித்து முடித்துள்ளார். தமிழரசன் கோவையில் ஒரு கல்லூரியில் பி.பார்ம் 2-ம் ஆண்டு படித்து வந்தார். பாஸ்கர் புதிதாக வீடு கட்டி வருகிறார்.
இந்நிலையில் அந்த வீட்டில் நேற்று இரவு இரும்பு கம்பிகளை கவிதாவும், தமிழரசனும் சேர்ந்து தூக்கியதாக கூறப்படுகிறது. அப்போது எதிர்பாராதவிதமாக இரும்புக்கம்பி மேலே சென்ற மின்சார வயரில் உரசியது. இதில் அவர்களது உடலில் மின்சாரம் பாய்ந்தது. அவர்கள் அபய குரல் எழுப்பினர்.
அவர்களது அலறல் சத்தம் கேட்டு தாய் கோப்பெருந்தேவி விரைந்து வந்து அவர்களை காப்பாற்ற முயன்றார். அப்போது அவரது உடலிலும் மின்சாரம் பாய்ந்து தூக்கி வீசப்பட்டு படுகாயமடைந்தார். இந்த சம்பவத்தில் அக்காவும், தம்பியும் சம்பவ இடத்திலேயே பலியானார்கள்.
இதுகுறித்து தகவல் அறிந்த கணேஷ் நகர் போலீசார் மற்றும் வருவாய்த்துறை அதிகாரிகள் சம்பவ இடத்திற்கு விரைந்து வந்து விசாரணை நடத்தினர். இறந்தவர்கள் உடல்களை பார்த்து உறவினர்கள் கதறி அழுத காட்சி பார்ப்போர் நெஞ்சங்களை கனக்க செய்தது. இந்த சம்பவம் தொடர்பாக போலீசார் தொடர்ந்து விசாரணை நடத்தி வருகின்றனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.