புதுக்கோட்டை மாவட்டத்தின் இரண்டாவது பெரிய நகராக அறந்தாங்கி விளங்குகிறது. சென்னை, விழுப்புரம், திருச்சி, தஞ்சை, திருச்செந்தூர், நாகர்கோவில், மதுரை, நாகப்பட்டினம், ராமேஸ்வரம், வேதாரண்யம் உள்ளிட்ட பல்வேறு இடங்களுக்கு இங்கிருந்து பேருந்துகள் சென்று வருகின்றன.
அதேபோல திருச்சி, தஞ்சாவூர், கரூர், பெரம்பலூர் உள்ளிட்ட பல்வேறு மாவட்டங்களில் இருந்து தூத்துக்குடி துறைமுகத்துக்கு கிழக்கு கடற்கரை சாலை வழியாக செல்ல கனரக வாகனங்கள் அறந்தாங்கி வழியாக சென்று வருகின்றன. மேலும் அறந்தாங்கி முக்கிய மணல் வர்த்தக நகராக விளங்கி வருகிறது.
அறந்தாங்கி பகுதியில் ஓடும் வெள்ளாற்றில் இருந்து பல்வேறு பகுதிகளில் அரசு மணல் குவாரிகள் அமைக்கப்பட்டு மணல் வினியோகம் அவ்வப்போது நடந்து வருகிறது. குவாரி இயங்கும் காலங்களில் இந்த குவாரிகளில் இருந்து வெளிமாவட்டங்களுக்கு தினசரி ஏராளமான லாரிகளில் மணல் ஏற்றி செல்லப்படும். இதேபோல் அறந்தாங்கி நகருக்குள் தினசரி ஆயிரக்கணக்கான வாகனங்கள் வந்து செல்கின்றன. இதனால் அறந்தாங்கி நகரம் எப்போது போக்குவரத்து நெரிசல்மிக்க நகராகவே இருந்து வருகிறது.
அறந்தாங்கி நகரில் போக்குவரத்து நெரிசலை குறைக்கும் வகையில் 4 ஆண்டுகளுக்கு முன் அண்ணா சிலை, கட்டுமாவடி முக்கம், பெரிய கடைவீதி உள்ளிட்ட பகுதிகளில் போக்குவரத்து சிக்னல்கள் அமைக்கப்பட்டன. சிக்னல் அமைக்கப்பட்ட நிலையில் பல்வேறு காரணங்களால் சிக்னல் பயன்பாட்டுக்கு கொண்டு வரப்படவில்லை. இந்த சிக்னல்கள் இன்று வரை பயன்பாட்டுக்கு கொண்டு வரப்படாமல் பல லட்ச ரூபாய் வீணாகி வருகிறது. சிக்னல்களை பயன்பாட்டுக்கு கொண்டு வந்தால் சமூகவிரோத செயல்களில் ஈடுபடுவோரை அடையாளம் காண்பதோடு நகரில் போக்குவரத்து நெரிசலையும் குறைக்கலாம்.
எனவே மாவட்ட நிர்வாகமும், மாவட்ட காவல்துறையும் உடனடியாக அறந்தாங்கி நகரில் அமைக்கப்பட்டு பயன்பாடு இல்லாமல் உள்ள போக்குவரத்து சிக்னல்களை உடனே இயக்க நடவடிக்கை எடுக்க வேண்டும் என்பதே பொதுமக்கள் மற்றும் வாகன ஓட்டுனர்களின் கோரிக்கையாகும். இதுகுறித்து சமூக ஆர்வலர்கள் கூறியதாவது: அறந்தாங்கி நகரில் போக்குவரத்து நெரிசலை குறைப்பதற்கும், கடற்கரை பகுதிகளில் இருந்து சமூக விரோத கும்பல்கள் அறந்தாங்கி நகருக்குள் வந்தால் பிடிக்கும் வகையிலும் போக்குவரத்து சிக்னல்கள் அமைக்கப்பட்டன.
பல ஆண்டுகளுக்கு முன் அறந்தாங்கியில் இருந்த சிக்னல்களில் பல குற்றவாளிகள் சிக்கிய நிலையில் அறந்தாங்கி பகுதியில் கடந்த சில ஆண்டுகளுக்கு முன் அமைக்கப்பட்ட போக்குவரத்து சிக்னல் இயக்கினால் மணல் திருட்டில் ஈடுபட்டவர்களின் லாரிகள் நகரை கடந்து செல்ல முடியாது என்பதற்காக காவல்துறையில் பணியாற்றிய சில அதிகாரிகளால் சிக்னல்களை இயக்க முட்டுக்கட்டை போடப்பட்டது. அந்த அதிகாரிகளுக்கு பிறகு வேறு அதிகாரிகள் பணிக்கு வந்தபோதிலும் அவர்களும் நகரில் உள்ள போக்குவரத்து சிக்னல்களை இயக்க நடவடிக்கை எடுக்கவில்லை. இதனால் பல லட்ச ரூபாய் மதிப்பிலான சிக்னல் கருவிகள் வீணாகி வருகின்றன என்றார்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.