கரோனா 2-வது அலை தீவிரமாகப் பரவி வருவதைத் தொடர்ந்து அனைவரும் முகக்கவசம் அணிய வேண்டும், தனிமனித இடைவெளியைக் கடைப்பிடிக்க வேண்டும் என, மத்திய, மாநில அரசுகள் அறிவுறுத்தியுள்ளன.
இதை மீறுவோருக்கு அபராதம் விதிக்கப்பட்டு வருகிறது. அதேபோன்று, அபராதம் விதிக்கும்போது போலீஸாருக்கும், பொதுமக்களுக்கும் இடையே சில இடங்களில் வாக்குவாதம் ஏற்படுகிறது. போலீஸாரைக் கண்டித்துப் போராட்டமும் நடத்தப்படுகிறது.
புதுக்கோட்டை மாவட்டத்தில் கரோனா விதிமீறலில் ஈடுபடுவோர் மீது நடவடிக்கை எடுக்கும்போது மென்மையான போக்கையே கடைப்பிடிக்க வேண்டும் என, புதுக்கோட்டை மாவட்டக் காவல் கண்காணிப்பாளர் எல்.பாலாஜி சரவணன் போலீஸாருக்கு அறிவுறுத்தியுள்ளார்.
இந்த அறிவுறுத்தல் தொடர்பான அவரது குரல் பதிவானது அனைத்து சமூக வலைதளங்களிலும் வேகமாகப் பகிரப்பட்டு வருகிறது.
இதுகுறித்து அதில் கூறியிருப்பதாவது:
"முகக்கவசம் அணியாதவர்கள் மற்றும் தனிமனித இடைவெளியைப் பின்பற்றாதவர்கள் மீது அபராதம் விதிக்கப்பட்டு வருகிறது. இதில் சில சிரமங்களும் ஏற்படுகின்றன.
அபராதம் விதிக்கும்போது 'உங்களுக்காகவும், உங்கள் குடும்பத்தினரின் உயிருக்காகவும், நண்பர்களின் உயிருக்காகவுமே அபராதம் விதிக்கப்படுகிறது' என்று கூறி தெளிவுபடுத்த வேண்டும். அப்போது, சிலர் ஏற்றுக்கொண்டு சென்றுவிடுவார்கள். ஆனால், வாக்குவாதம் செய்வோரிடம் மீண்டும் மென்மையாகக் கூறி புரியவையுங்கள்.
மாறாக, பொதுமக்களிடம் போலீஸார் எதிர்த்துப் பேசத் தேவையில்லை. அதை வீடியோவாகப் பதிவு செய்துவிட்டு அவர் மீது வழக்குப் பதிவு செய்து நடவடிக்கை எடுங்கள். இதைத் தவிர, வேறு மாவட்டங்களில் வரம்பு மீறி போலீஸார் செயல்பட்டதாகக் கூறுவதைப் போன்று நாம் அதற்கு ஒருபோதும் இடம் கொடுத்துவிடக் கூடாது.
அத்தகைய நிகழ்வு நம் மாவட்டத்தில் இதுவரை இல்லை. எனினும், நமது நோக்கம் கரோனாவைக் கட்டுப்படுத்துவது மட்டுமே தவிர, பொதுமக்களை தண்டிப்பது அல்ல. அனைத்து போலீஸாரும் இதைக் கட்டாயம் கடைப்பிடிக்க வேண்டும்".
இவ்வாறு அதில் தெரிவிக்கப்பட்டுள்ளது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.