புதுக்கோட்டை மாவட்டம் ஜெகதாப்பட்டினம் அருகே உள்ள அய்யம்பட்டினம் கிராமத்தில் 100-க்கும் மேற்பட்ட நாட்டுப் படகுகள் உள்ளன. புயல் மட்டும் பேரிடர் காலங்களில் தங்கள் படகுகளை பாதுகாப்பான இடத்திற்கு கொண்டு செல்ல அப்பகுதியில் ஒரு ஆறு உள்ளது. அந்த ஆறு சரிவர தூர்வாரப்படாததால் படகுகளை நிறுத்தி வைக்க முடியாத சூழல் ஏற்பட்டுள்ளது.
எனவே ஆற்றை தூர்வார அப்பகுதியினர் பலமுறை கோரிக்கை விடுத்தனர்.ஆனால் எந்தவித நடவடிக்கையும் எடுக்கப்படவில்லை. கடந்த மாதம் ஆற்றை தூர்வார கோரி அப்பகுதி மக்கள் ரேஷன் கார்டு மற்றும் ஆதார் கார்டுகளை மணமேல்குடி தாசில்தார் அலுவலகத்தில் ஒப்படைக்கும் போராட்டம் நடத்தினர். அப்போது விரைவில் ஆற்றை தூர்வாரி தரப்படும் என்று கூறப்பட்டதாக தெரிகிறது. இதனால் அந்த போராட்டம் தற்காலிகமாக கைவிடப்பட்டது.
ஆனால் இன்னும் தூர்வாரப்படவில்லை. இதனால் ஆத்திரம் அடைந்த அப்பகுதி மக்கள் நேற்று கிழக்கு கடற்கரை சாலையில் படகுடன் அமர்ந்து சாலை மறியல் போராட்டத்தில் ஈடுபட்டனர். தகவல் அறிந்த கோட்டைபட்டினம் துணை போலீஸ் சூப்பிரண்டு சிவராமன், இன்ஸ்பெக்டர் சாமுவேல் மற்றும் முத்துக்குமார் ஆகியோர் சம்பவ இடத்துக்கு விரைந்து வந்து போராட்டம் நடத்தியவர்களிடம் பேச்சுவார்த்தை நடத்தினர். ஆனால் பேச்சுவார்த்தைக்கு தீர்வு ஏற்படவில்லை. இதனையடுத்து போலீசார் அவர்களை அப்புறப்படுத்த முயன்றனர்.
அப்போது அவர்கள் தங்களது ரேஷன் கார்டு மற்றும் ஆதார் கார்டுகளை சாலையில் வீசினர். இதில் சிலர் தங்களது உடலில் டீசலை ஊற்றிக் கொண்டனர். இதனால் அப்பகுதியில் பரபரப்பு ஏற்பட்டது. அங்கிருந்த போலீசார், அவர்கள் மீது தண்ணீரை ஊற்றினர். பின்னர் சம்பவ இடத்திற்கு மணமேல்குடி தாசில்தார் ஜமுனா வந்து அவர்களிடம் பேச்சுவார்த்தை நடத்தினர். பேச்சுவார்த்தையில் 2 நாட்களில் நடவடிக்கை எடுக்கப்படும் என்று கூறியதை அடுத்து மறியலை கைவிட்டு கலைந்து சென்றனர். இந்த போராட்டம் சுமார் 3 மணிநேரம் நடந்தது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.