இலங்கை அரசு நெடுந்தீவு அருகே நடுக்கடலில் கப்பல் மூலம் பழுதடைந்த பஸ்களை கடலுக்குள் இறக்கும் காட்சி சமூகவலைத்தளங்களில் வெளியானது. இலங்கை அரசின் இந்த நடவடிக்கையை தடுத்து நிறுத்த வேண்டும் என்று தமிழக மீனவர்கள் வலியுறுத்தி வருகின்றனர்.
இந்த கோரிக்கையை புதுக்கோட்டை மாவட்டம் கோட்டைப்பட்டினம் மற்றும் ஜெகதாப்பட்டினம் பகுதியைச் சேர்ந்த விசைப்படகு மீனவர் சங்கத்தினரும் வலியுறுத்தி உள்ளனர். மத்திய, மாநில அரசுகள் இலங்கை அரசுடன் பேச்சுவார்த்தை நடத்தி இத்திட்டத்தை நிறுத்த வேண்டும் என்று கோரிக்கை விடுத்துள்ளனர்.
இதுகுறித்து கோட்டைப்பட்டினம் பகுதியைச் சேர்ந்த மீனவ சங்க மாநிலச் துணைத் தலைவர் ஹபீப் ரஹ்மான் கூறியதாவது:-
கடல் வளத்தை மேம்படுத்துவதாக இலங்கை அரசு ஒரு புதிய திட்டத்தை ஏற்படுத்தியுள்ளது. அந்தத் திட்டத்தின் மூலமாக பழுதடைந்த பெரிய பஸ்களை கடலுக்குள் இறக்கி அதில் செயற்கை பாறைகள் வளர்க்கப் போவதாக அறிவிப்பு செய்து முதல் கட்டமாக நெடுந்தீவு அருகே 4 பஸ்களை கடலுக்குள் இறங்கி உள்ளனர்.
இந்த திட்டமானது முழுக்க முழுக்க தமிழக மீனவர்களை வஞ்சிக்கும் திட்டமாகும். ஏனென்றால் நெடுந்தீவு பகுதிகளில் அதிகமாக மீன்பிடித்தொழில் செய்வது தமிழகத்தை சேர்ந்த ராமேசுவரம், புதுக்கோட்டை மாவட்ட மீனவர்கள். தமிழக மீனவர்கள் பொதுவாக இழு வலையை பயன்படுத்தி மீன்பிடித்து வருகின்றனர். அவ்வாறு அப்பகுதியில் மீனவர்கள் மீன் பிடிக்கும்போது வலைகள் கடலுக்குள் அடியிலுள்ள இந்த பழுதடைந்த பஸ்களில் சிக்கி சேதமடையும். அதில் படகுகள் மோதினால் சேதமடைந்து கடலுக்குள் மூழ்கும் அபாயம் உள்ளது. இதனால் மீனவர்கள் பெரும் நஷ்டத்திற்கு ஆளாவார்கள்.
இலங்கை அரசு தமிழக மீனவர்களை வஞ்சிக்கும் நோக்கத்தோடு தான் இந்த திட்டத்தை செயல்படுத்துகின்றனர். ஆகையால் இதுபோன்ற மிக மோசமான திட்டத்தை இலங்கை அரசு கைவிட வேண்டும். இதனை மத்திய, மாநில அரசுகள் இலங்கை அரசுக்கு வலியுறுத்த வேண்டும். இவ்வாறு அவர் கூறினார்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.