புதுக்கோட்டை மாவட்டம் ஆவுடையார்கோவில் தாலுகா நாட்டாணிபுரசக்குடி ஊராட்சி மீமிசல் அருகாமையில் உள்ள கோபாலப்பட்டிணம் மக்கா தெரு 1-வது வீதியில் (பெரிய பள்ளி-கடற்கரை சாலை) பல ஆண்டுகளுக்கு முன்பு முண்டு கல்லில் சிமெண்ட் கொண்டு வடிகால் வாய்க்கால் அமைக்கப்பட்டிருந்தது. இந்நிலையில் பராமரிப்பு இன்றி இருந்ததால் கழிவுநீர் செல்ல முடியாத நிலையில் அடைப்பு ஏற்பட்டது.
இந்நிலையில் கடந்த ஆண்டு பெய்த கனமழையால் அந்த பகுதியில் உள்ள ஒரு தெருவில் இருந்து மழைநீர் வெளியேற முடியாமல் வீட்டிற்குள் சூழ்ந்தது. இதனால் அந்த மழைநீரை வெளியேற்ற ஊராட்சி மன்ற நிர்வாகம் தற்காலிக நடவடிக்கையாக அந்த கழிவுநீர் செல்ல முடியாத வாய்க்காலை JCB இயந்திரம் மூலம் இடித்து அகற்றி மழைநீரை வெளியேற்றினர்.
இந்நிலையில் ஏற்கனவே இருந்த வாய்க்காலை இடித்ததின் காரணமாக அந்த பகுதியில் வீட்டின் ஓரங்களில் பெரிய பள்ளம் உருவானது. இதனால் அந்த பகுதி மக்களுக்கு பெரும் அவதிக்குள்ளானர். இதனிடையில் அந்த பகுதியில் கடந்த ஏப்ரல் மாதம் தூம்பு இறக்கி வைக்கப்பட்டது. கடந்த சில நாட்களுக்கு முன் நாட்டாணிபுரசக்குடி ஊராட்சி சார்பில் தூம்பு அமைக்கும் பணி நடைபெற்றது.ஒவ்வொரு வீட்டு வாசலுக்கும் ஒரு தூம்பு அமைக்கப்பட்டது. இதனால் அந்த பகுதி மக்களுக்கு எந்த வித பயனும் இல்லை என தெரிவிக்கின்றனர்.
குறிப்பாக அந்த பகுதி முழுவதும் தூம்பு அமைத்தால் மட்டுமே நிரந்தர தீர்வாக அமையும் எனவும், இவ்வாறாக அமைப்பதன் மூலம் சிறு குழந்தைகள் விளையாடும் பொழுது பள்ளத்தில் விழுந்து அடிபடுவதும், அவ்வழியே செல்லக்கூடிய வாகனங்கள் விபத்தில் சிக்குவதும் மற்றும் வருகிற காலங்கள் மழைக்காலங்களாக இருப்பதால் பள்ளத்தில் மழைநீர் தேங்கி அதன் மூலம் நோய் தொற்று ஏற்படும் அபாயம் உள்ளது என தெரிவிக்கின்றனர். எனவே நாட்டாணிபுரசக்குடி ஊராட்சி நிர்வாகம் உடனடியாக தூம்பு அமைக்கும் பணியை முழுமையாக செய்து தர வேண்டும் என அப்பகுதி மக்கள் தெரிவித்துள்ளனர்.
கோபாலப்பட்டிணம் வரலாற்றில் ஊராட்சி நிர்வாகத்தை கண்டித்து கழிவுநீர் வாய்க்காலை சரி செய்து தர வேண்டி கடந்த 19.01.2021 அன்று அப்பகுதி மக்கள் சாலையின் குறுக்கே இரும்பு குழாய் மற்றும் மரங்களை போட்டு சாலை மறியலில் ஈடுபட்டனர் என்பது குறிப்பிடத்தக்கது.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.