பெட்ரோல், டீசல், சமையல் கியாஸ் விலை உயர்வை கண்டித்து புதுக்கோட்டை மாவட்டத்தில் சி.ஐ.டி.யூ.வினர், மார்க்சிஸ்ட் கம்யூனிஸ்டு கட்சியினர், இந்திய மாணவர் சங்கத்தினர், இளைஞர் மன்றத்தினர், விவசாய தொழிலாளர் சங்கம் சார்பில் நேற்று சாலை மறியல் போராட்டம் நடைபெற்றது. புதுக்கோட்டை புதிய பஸ் நிலையம் அருகே மார்க்சிஸ்ட் கம்யூனிஸ்டு கட்சியை சேர்ந்த சின்னதுரை எம்.எல்.ஏ. தலைமையில் போராட்டம் நடைபெற்றது. அப்போது புதிய பஸ் நிலையம் நுழைவுவாயில் முன்பு சாலையின் குறுக்கே எம்.எல்.ஏ.வின் கார் மற்றும் இன்னொரு காரை நிறுத்தி எந்த வாகனங்களும் செல்ல முடியாத சூழலை ஏற்படுத்தினர். இதேபோல சரக்கு வேன்களையும் சாலையில் நிறுத்தியும் மறியல் போராட்டத்தில் ஈடுபட்டனர். இந்த போராட்டத்தினால் புதுக்கோட்டை புதிய பஸ் நிலையம் முன்பு சாலையின் இருபுறமும் போக்குவரத்து பாதிப்படைந்தது. இதேபோல மாவட்டத்தில் பல்வேறு இடங்களில் போராட்டம் நடைபெற்றது. மறியல் போராட்டத்தின் போது மத்திய அரசுக்கு எதிராக கண்டன கோஷங்களை எழுப்பினர்.
இதேபோல, சி.ஐ.டி.யூ. தொழிற்சங்கத்தினர் ஆலங்குடியில் காமராஜர் சிலை, பஸ் நிலையம், வடகாடு முக்கம், சந்தைப்பேட்டை, அரசு மருத்துவமனை முன்பு என 5 இடங்களில் சாலையின் குறுக்கே நின்று ஆர்ப்பாட்டம் செய்தனர். கந்தர்வகோட்டை பஸ் நிலையம் உள்பட 7 இடங்களில் இந்திய, மார்க்சிஸ்ட் கம்யூனிஸ்டு கட்சிகள் சார்பில் வாகன நிறுத்த போராட்டம் நடைபெற்றது. அன்னவாசல், மேலூர், சத்தியமங்கலம், குடுமியான்மலை, பரம்பூர், இலுப்பூர், மலைக்குடிப்பட்டி உள்ளிட்ட பகுதிகளில் சி.ஐ.டி.யூ. இந்திய தொழில் சங்கம் சார்பில் சாலை மறியல் போராட்டம் நடைபெற்றது.
பொன்னமராவதி பஸ் நிலையம் முன்பு உள்பட 6 இடங்களில் பெட்ரோல்-டீசல்-கியாஸ் விலை உயர்வை கண்டித்து மறியல் நடைெபற்றது.
காரையூரில் தமிழ்நாடு விவசாயிகள் சங்க ஒன்றிய தலைவர் சவுந்தரராஜன் தலைமையில் சி.ஐ.டி.யூ. வினர் மறியலில் ஈடுபட்டனர். சடையம்பட்டியில் விவசாயிகள் சங்க ஒன்றிய செயலாளர் ராமசாமி தலைமையில் நடைபெற்ற போராட்டத்தில் தொழிலாளர்கள் திரளாக பங்கேற்றனர். திருவரங்குளம் கடைவீதியில் சி.ஐ.டியூ. தொழிற்சங்கத்தினர் செந்தமிழ்செல்வன் தலைமையில் சாலை மறியலில் ஈடுபட்டனர். ஆவுடையார்கோவிலில் மார்க்சிஸ்ட் கம்யூனிஸ்டு கட்சியின் சார்பில், விவசாய தொழிலாளர் சங்க செயலாளர் எம்.எஸ்.கலந்தர் தலைமையில் பஸ் பயணிகளிடமும், வாகன ஓட்டிகளிடமும் துண்டு பிரசுரம் வினியோகித்தனர்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.