கோட்டைப்பட்டினம் கடற்கரை பகுதியில் விசைப்படகு மீனவர்கள் மீன் பிடிப்பதாக மீன்வளத் துறையினருக்கு தகவல் கிடைத்தது. அதனடிப்படையில் நேற்று மீன்வள துறை உதவி இயக்குனர் சின்ன குப்பன் மற்றும் அமலாக்கப் பிரிவு இன்ஸ்பெக்டர் சரவணன் ஆகியோர் கடல் பகுதியில் ரோந்து பணியில் ஈடுபட்டனர். அப்போது கோட்டைப்பட்டினம் பகுதியைச் சேர்ந்த ஒரு விசைப்படகில் கரையோரத்தில் மீன் பிடித்ததை அடுத்து அங்கு சென்ற அதிகாரிகள் கரையில் மீன்பிடித்த விசைப்படகு மீது வழக்குப்பதிவு செய்தனர். மேலும் மீன் பிடிக்க பயன்படுத்திய வலைகளையும் பறிமுதல் செய்தனர். இதுகுறித்து புதுக்கோட்டை மாவட்ட மீன்வளத்துறை உதவி இயக்குனர் சின்ன குப்பன் கூறுகையில், விசைப்படகுகள் கடற்கரை பகுதியில் மீன் பிடிக்க கூடாது என்பது விதி. கரை பகுதிகளில் நாட்டுப்படகு மீனவர்கள் மட்டும் தான் மீன் பிடிக்க வேண்டும். ஆனால் அதனையும் மீறி சில விசைப்படகுகளில் கரை பகுதியில் மீன்பிடித்து வருகின்றனர். இதனால் நாட்டுப்படகு மீனவர்கள் தொடர்ந்து பாதிப்படைகின்றனர். இதனை தடுக்கும் வகையில் கரை பகுதியில் மீன் பிடிக்கும் விசைப்படகு மீது நடவடிக்கை எடுக்கப்பட்டு வருகிறது. விசைப்படகு மீனவர்கள் எக்காரணம் கொண்டும் இரட்டை மடி வலை பயன்படுத்தி மீன்கள் பிடிக்க கூடாது. கரை பகுதியில் மீன்கள் பிடிக்க கூடாது. மீறினால் துறைரீதியான நடவடிக்கை மேற்கொள்ளப்படும். இவ்வாறு அவர் கூறினார். கடலுக்கு செல்லும் நபர்கள் மீனவர் அடையாள அட்டையை கண்டிப்பாக எடுத்துச் செல்ல வேண்டும். சில நபர்கள் அடையாள அட்டை இல்லாமல் கடலுக்குள் சென்று மீன்பிடித்து வருகின்றனர். சோதனையின்போது அடையாள அட்டை இல்லாமல் மீன் பிடித்தால் மீனவர்கள் மீது நடவடிக்கை எடுக்கப்படும் என்றும் கூறினார்.
எங்களுடைய இணையதள செய்திகளை உடனுக்குடன் தெரிந்து கொள்ள எங்களுடைய சமூக இணையப்பக்கத்தை Like, Follow, Joint மற்றும் Subscribe செய்து கொள்ளுங்கள்...
Facebook: https://www.facebook.com/GpmMedia/
Twitter: https://twitter.com/GpmMedia
Instagram: https://www.instagram.com/gpmmedia/
Youtube: https://www.youtube.com/c/GpmMedia
0 Comments
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. GPM மீடியாவின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.